મોરબીમાં લગ્નની લાલચ આપીને યુવતી સાથે દુષ્કર્મ આચરનાર આરોપીની ધરપકડ

મોરબી તાલુકાના ગ્રામ્ય વિસ્તારમાં રહેતી યુવતીને લગ્નની લાલચ આપીને ફસાવી હતી અને ત્યાર બાદ આરોપીએ પોતાના કબજા વાળા ગોડાઉનમાં તે યુવતીની મરજી વિરુદ્ધ તેની સાથે શરીર સંબંધ બાંધ્યો હતો જેથી ભોગ બનેલ યુવતીએ મોરબી તાલુકા પોલીસ સ્ટેશન ખાતે નોંધાવેલ હતી જેના આધારે પોલીસે દુષ્કર્મના ગુનામાં આરોપીની ધરપકડ કરીને આગળની કાર્યાવહી કરેલ છે.

મોરબી તાલુકાના ગ્રામ્ય વિસ્તારમાં રહેતા પરિવારની યુવતીને મૂળ લાલપરમાં રહેવાસી અને હાલ મોરબી રહેતા સતિષ રુગનાથભાઈ પટેલ નામના શખ્સે લગ્નની લાલચ આપી હતી અને ત્યારબાદ સતિષ પટેલે પોતાના કબજા ભોગવટા વાળા ગોડાઉનમાં ફરિયાદી યુવતી સાથે તેની મરજી વિરુદ્ધ શરીર સંબંધ બાંધ્યો હતો. જોકે, સતીષ પટેલે ફરિયાદી યુવતી સાથે લગ્ન કર્યા ન  હતા જેથી ભોગ બનેલ યુવતીએ મોરબી તાલુકા પોલીસ સ્ટેશન ખાતે ફરિયાદ નોંધાવી હતી જેના આધારે પોલીસે દુષ્કર્મ સહિતની કલમ હેઠળ ગુનો નોંધીને આરોપીને પકડવા માટે તાજવીજ શરૂ કરી છે અને આ ગુનાની તપાસ મોરબી જિલ્લાના એસસીએટી સેલના ડીવાયએસપી વિરલ દલવાડી કરી રહ્યા હતા અને હાલમાં આ ગુનામાં આરોપી સતિષ રુગનાથભાઈ જેતપરિયા (34) રહે. દેવ પેલેસ લીલાપર કેનાલ રોડ મોરબી વાળાની ધરપકડ કરીને આગળની કાર્યવાહી કરેલ છે.