સિંગલ યુઝ પ્લાસ્ટિકને ના: વાંકાનેરના પંચાસર ગામે પ્લાસ્ટિકનો ઉપયોગ ઘટાડવા ગ્રામસભા યોજાઈ
SHARE
JOIN OUR GROUP
સિંગલ યુઝ પ્લાસ્ટિકને ના: વાંકાનેરના પંચાસર ગામે પ્લાસ્ટિકનો ઉપયોગ ઘટાડવા ગ્રામસભા યોજાઈ
વાંકાનેરના પંચાસર ગામ ખાતે 'વિશ્વ પર્યાવરણ દિવસ'ની ઉજવણીના ભાગરૂપે પ્લાસ્ટિક કચરાનો ઉપયોગ ઘટાડવા તેમજ પુનઃઉપયોગ અને રિસાયકલ અંગે જાગૃત કરવાના ઉદ્દેશ્ય સાથે સિંગલ યુઝ પ્લાસ્ટિકના ઉપયોગને સીમિત કરવા ખાસ ગ્રામસભાનું આયોજન કરવામાં આવ્યું હતું. મોરબી સહાયક માહિતી નિયામકના માર્ગદર્શન હેઠળ વાંકાનેરના પંચાસર ગામ ખાતે ગામના સરપંચ મહેબૂબભાઈ ભોરણીયાના અધ્યક્ષસ્થાને તેમજ પંચાયતના સભ્યોની ઉપસ્થિતિમાં પંચાસરના તલાટી-મંત્રી તેજસ ડોડીયા દ્વારા સિંગલ યુઝ પ્લાસ્ટિક અટકાવવા ના હેતુ સાથે ખાસ ગ્રામસભાનું આયોજન કરવામાં આવ્યું હતું. આ ગ્રામ સભામાં ગ્રામજનોને પ્લાસ્ટિકનો ઉપયોગ ન કરવા, ઉપયોગ ઘટાડવા તથા આ પ્લાસ્ટિકની વસ્તુઓનો પુન: ઉપયોગ કે રિસાયકલિંગ કેવી રીતે કરી શકાય તે માટે પણ માર્ગદર્શન આપવામાં આવ્યું હતું. આ ગ્રામ સભામાં સર્વે ઉપસ્થિત દ્વારા 'સિંગલ યુગ પ્લાસ્ટિકને ના' એમ પ્રતિજ્ઞા પણ લેવામાં આવી હતી.
