હળવદ તાલુકામાં દારૂ સહિત કુલ 22 ગુનામાં સંડોવાયેલ રીઢો આરોપી ઝડપાયો
SHARE
JOIN OUR GROUP
હળવદ તાલુકામાં દારૂ સહિત કુલ 22 ગુનામાં સંડોવાયેલ રીઢો આરોપી ઝડપાયો
હળવદના જુના દેવળીયા ગામેથી પ્રોહિબીશનના ગુનામાં પાંચ મહિનાથી નાસતા ફરતા આરોપીને એલસીબીની ટીમે ઝડપી લીધેલ છે અને આ આરોપી ઉપર અગાઈ મારામારી, ચોરી, જુગાર, પ્રોહીબીશનના કુલ મળીને 22 જેટલા ગુના નોંધાયેલ છે જે રીઢા આરોપીને પકડીને પોલીસે આગળની કાર્યવાહી કરેલ છે.
મોરબીના એસપી રાહુલ ત્રિપાઠી દ્વારા ગુનાના કામે નાસતા ફરતા, પેરોલ જમ્પ, જેલ ફરારી તથા તાજેતરમાં રજીસ્ટર થયેલ ગુનાઓમાં પકડવાના બાકી આરોપીઓને પકડી પાડવા માટે એલસીબીના પીઆઇ એમ.પી. પંડયાને સુચના આપવામાં આવી હતી જેથી તેઓના માર્ગદર્શન હેઠળ પોલીસ કામ કરી રહી હતી તેવામાં ચંદુભાઇ કારોતરા, શકિતસિંહ ઝાલા, દશરથસિંહ પરમાર, ભગીરથસિંહ ઝાલાને સંયુકતમાં ખાનગી રાહે હકિકત મળેલ હતી કે, હળવદ તાલુકાનાં દારૂના ગુનામાં પાંચ મહિનાથી નાસતો ફરતો આરોપી વિજય જયંતિભાઇ અઘારા રહે. જુના દેવળીયા વાળો હાલમાં જુના દેવળીયા ગામે આવેલ છે જેથી ત્યાં જઈને તપાસ કરતા આરોપી ત્યાંથી મળી આવેલ છે જેથી પોલીસે આરોપી વિજય જયંતિભાઇ અઘારા (40) રહે. જુના દેવળીયા તાલુકો હળવદ વાળાને હસ્તગત કરીને હળવદ તાલુકા પોલીસને હવાલે કરેલ છે વધુમાં પોલીસ પાસેથી મળતી માહિતી મુજબ આરોપી વિજય જયંતિભાઇ અઘારા સામે રાજયના જુદાજુદા પોલીસ સ્ટેશનમાં મારામારી, ચોરી, જુગાર, પ્રોહીબીશનના કુલ મળીને 22 જેટલા ગુના નોંધાયેલ છે તે રીઢા આરોપીને હાલમાં એલસીબીની ટિમ દ્વારા પકડવામાં આવેલ છે.
