મોરબી નજીક વૃદ્ધને કચડી નાખનારા ડમ્પરના ચાલક સામે ગુનો નોંધાયો

મોરબીના નવી ટિંબડી ગામે રહેતા વૃદ્ધ હોટલ માટે દૂધ લેવા વહેલી સવારે જઈ રહ્યા હતા ત્યારે  ડમ્પરના ચાલકે તેઓના બાઇકને હડફેટે લીધું હતું જેથી અકસ્માતનો બનાવ બન્યો હતો અને અકસ્માતના આ બનાવમાં તે વૃદ્ધને ગંભીર ઇજાઓ થયેલ હોવાથી તેનું મોત નીપજ્યું હતું અને આ બનાવ સંદર્ભે હાલમાં મૃતકના દીકરાએ મોરબી તાલુકા પોલીસ સ્ટેશન ખાતે ડમ્પર ચાલક સામે ફરિયાદ નોંધાવતા પોલીસ આરોપીને પકડવા માટે તજવીજ શરૂ કરેલ છે 

જાણવા મળતી માહિતી મુજબ મોરબી તાલુકાના નવી ટિંબડી ગામે રહેતા મનોજભાઈ ગોવિંદભાઈ ઝાપડા (30)એ હાલમાં મોરબી તાલુકા પોલીસ સ્ટેશન ખાતે ડમ્પર નંબર જીજે 13 એડબલ્યુ 8146 ના ચાલક સામે ફરિયાદ નોંધાવેલ છે જેમાં તે જણાવ્યુ છે કે, ગત તા. 20/ 4 ના વહેલી સવારે 5:30 વાગ્યાના અરસામાં ફરિયાદીના પિતા ગોવિંદભાઈ ભાયાભાઈ ઝાપડા (50)  પોતાનું બાઈક નંબર જીજે 36 એમ 5677 લઈને પોતાની ચા ની હોટલે દૂધ લઈ જવા માટે થઈને જઈ રહ્યા હતા દરમિયાન ડમ્પરના ચાલાકે ટિંબડી ગામ નજીક આશાપુરા ટાટાના વર્કશોપ પાસે રોડ ઉપર ફરિયાદીના પિતાના બાઇકને હડફેટે લીધું હતું જેથી અકસ્માત થયો હતો અને તે બનાવમાં ગોવિંદભાઈ ઝાપડાને માથા, પગ અને શરીરે ગંભીર ઇજાઓ થયેલ હતી જેથી કરીને તેનું મોત નીપજયું હતું અને અકસ્માત મૃત્યુના બનાવ સંદર્ભે મૃતકના દીકરાએ નોંધાવેલ ફરિયાદ આધારે પોલીસે ડમ્પર ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે.