મોરબી-વાંકાનેરમાં જુદીજુદી ત્રણ જગ્યાએ ઘરફોડ ચોરી કરનાર આરોપી રોકડ-ચાંદીના સિક્કા સાથે ઝડપાયો

મોરબી અને વાંકાનેર પંથકમાં ચોરીની છેલ્લા બે વર્ષમાં જુદીજુદી જગ્યાએ ત્રણ ઘટના બની હતી જેમાં તસ્કર દ્વારા રોકડ અને દાગીનાની ચોરી કરવામાં આવી હતી જેથી કરીને તેની ફરિયાદો નોંધાયેલ હતો અને આ ગુનાની તપાસ ચાલી રહી હતી તેવામાં ત્રણ ઘરફોડ ચોરીને અંજામ આપનાર આરોપીની મોરબી એલસીબીની ટીમે મણીમંદિર નજીકથી રોકડ અને ચાંદીના સિક્કા સાથે ધરપકડ કરેલ છે અને આગળની કાર્યવાહી કરેલ છે.

જાણવા મળતી માહિતી મુજબ મોરબી એલસીબી ટીમ જુદીજુદી જગ્યાએ કરવામાં આવેલ ચોરીના બનાવોમાં આરોપીને પકડવા માટે કામ કરી રહી હતી તેવામાં મોરબી શહેર તેમજ વાંકાનેરમાં જુદીજુદી ત્રણ જગ્યાએ ઘરફોડ ચોરી કરનાર આરોપી મોરબીમાં મણીમંદિર પાસે હોવાની બાતમી મળી હતી જેના આધારે પોલીસે આરોપી અંકિત મહાદેવભાઈ વિકાણી રહે. હાલ ગોંડલ ચોકડી, રાજકોટ મૂળ રહે. નસીતપર તાલુકો ટંકારા વાળાને ઝડપી લીધો હતો અને તેની તલાસી લેવામાં આવી હતી ત્યારે તેની પાસેથી એક લાખની રોકડા તેમજ 25 હજારના ચાંદીના સિક્કા મળી આવ્યા હતા જેથી કરીને પોલીસે 1.25 લાખના મુદામાલ સાથે આરોપીને પકડીને વધુ પૂછપરછ કરી હતી ત્યારે તેને પોલીસ સમક્ષ કબૂલાત આપી હતી કે, વર્ષ 2023 મા મોરબી અને વર્ષ 2023-2024મા વાંકાનેરમાં અલગ અલગ બે જગ્યાએ ચોરી કરી છે અને હાલમાં એ ડિવિઝન પોલીસને આરોપીનો કબ્જો સોંપી દેવામાં આવેલ છે