મોરબીમાં ભત્રીજાને ગાળો આપનારા કાકાને ભાઈ-ભાભીએ ઢીબી નાખ્યો, મારી નાખવાની ધમકી: મોરબી તાલુકામાં જુગારની બે રેડ
SHARE
JOIN OUR GROUP
મોરબીમાં ભત્રીજાને ગાળો આપનારા કાકાને ભાઈ-ભાભીએ ઢીબી નાખ્યો, મારી નાખવાની ધમકી: મોરબી તાલુકામાં જુગારની બે રેડ
મોરબી શહેરના ત્રાજપર ખારી વિસ્તારમાં રહેતા યુવાને તેના ભત્રીજાને ગાળો આપી હતી જેથી કરીને તે યુવાનને તેના ભાઈ, ભાભી આ ને ભત્રીજાએ ઢીકાપાટુ અને લાકડાના ધોકા વડે માર માર્યો હતો તેમજ જાનથી મારી નાખવાની ધમકી આપી હતી જેથી કરીને ભોગ બનેલા યુવાને સારવાર લીધા બાદ હાલમાં મોરબી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીના ત્રાજપર વિસ્તારમાં રામકુવા પાસે રહેતા જગદીશભાઈ દિનેશભાઈ ઉર્ફે દિલીપભાઈ ડાભી (40) નામના યુવાને હાલમાં તેના ભાઈ ભરતભાઈ દિનેશભાઈ ઉર્ફે દિલીપભાઈ ડાભી, રંજનબેન ભરતભાઈ ડાભી અને નિલેશભાઈ ભરતભાઈ ડાભી રહે. બધા ત્રાજપર ખારી વાળાની સામે ફરિયાદ નોંધાવેલ છે જેમાં તેને જણાવ્યુ છે કે, તેને તેના ભત્રીજાને ગાળા આપી હતી જેથી કરીને તેના ભાઈ અને ભાભી ઠપકો આપવા માટે આવ્યા હતા અને ત્યારે ભાઈ, ભાભી અને ભત્રીજાએ ફરિયાદી યુવાનને ઢીકાપાટુનો અને લાકડાના ધોકા વડે માર માર્યો હતો તેમજ જાનથી મારી નાખવાની ધમકી આપી હતી. જેથી ભોગ બનેલ યુવાને નોંધાવેલ ફરિયાદ આધારે હાલમાં પોલીસે મહિલા સહિત ત્રણ વ્યક્તિઓની સામે ગુનો નોંધીને આરોપીને પકડવા માટે તજવીજ શરૂ કરેલ છે
જુગારની જુદીજુદી બે રેડ
મોરબીના ઘૂટું ગામની સીમમાં આવેલ પેપરમીલની પાછળના ભાગમાં બાવળની જાળીમાં જુગારની રેડ કરવામાં આવી હતી ત્યારે ત્યાં બે શખ્સો જુગાર રમતા મળી આવ્યા હોય પોલીસે સંજયભાઈ અવચરભાઈ ઝંઝવાડીયા (21) અને સિકંદરભાઈ અમૃતભાઇ કટીયા (24) રહે. બંને વીસીપરા વાળાની 550 ની રોકડ સાથે ધરપકડ કરી હતી આવી જ રીતે જુગારની બીજી રેડ ટિંબડી ગામની સીમમાં આવેલ સીરામીક કારખાનાની પાછળમાં જાહેરમાં કરવામાં આવી હતી ત્યારે ત્યાં જુગાર રમતા વિશ્વાસ કાનજીભાઈ પાટડીયા (31) રહે. વીસીપરા અને જગદીશભાઈ ધીરુભાઈ રેણુકા (25) રહે. ભાગ્યલક્ષ્મી સોસાયટી મોરબી વાળા જુગાર રમતા મળી આવ્યા હોય પોલીસે તેની પાસેથી 610 રૂપિયાની રોકડ કબજે કરી હતી અને મોરબી તાલુકા પોલીસ સ્ટેશન ખાતે જુગારના જુદાજુદા બે ગુના નોંધીને કાર્યવાહી કરી હતી.
