ટંકારા તાલુકાના નાના ખીજડીયા ગામે રહેતા યુવાનની જમીન આરોપી પાસે હોય ફરિયાદી તથા તેના પરિવારજનો પોતાની જમીન પરત માનતા હતા. જે બાબતે આરોપીઓએ ફરિયાદી વિરુદ્ધ સિવિલ કોર્ટમાં કેસ કરેલ છે જે કેસનો ચુકાદો ફરિયાદી તરફ આવે તેવી શક્યતા છે તે બાબતનો ખાર રાખીને ફરિયાદી યુવાનને જમીન તેઓના નામે કરી આપવા માટે ફોન ઉપર તેમજ રૂબરૂ મળીને ગાળો આપીને જાનથી મારી નાખવાની ધમકી આપવામાં આવે છે અને ફરિયાદીના ઘર પાસે આવી પથ્થરના ઘા કરીને ઘરના કાચ તથા બહાર પડેલ કારના કાચ તોડી નાખીને નુકસાન કરેલ છે જેથી કરીને ભોગ બનેલા યુવાન દ્વારા ટંકારા તાલુકા પોલીસ સ્ટેશન ખાતે હાલમાં ચાર શખ્સોની સામે ફરિયાદ નોંધાવવામાં આવેલ છે.

જાણવા મળતી માહિતી પ્રમાણે ટંકારા તાલુકાના નાના ખીજડીયા ગામે રહેતા ફિરોજભાઈ હુસેનભાઇ આગરીયા (41) એ હાલમાં ટંકારા તાલુકા પોલીસ સ્ટેશન ખાતે નુરમહમદભાઈ ભુરાભાઈ આગરીયા અને સિરાજભાઈ નૂરમહમદભાઈ આગરીયા રહે. બંને બજરંગવાડી રાજકોટ તેમજ રમજાનભાઈ ઉર્ફે વાલો હારૂનભાઇ ઉઠામણા અને બીલાલ દિલાવરભાઈ ઉઠામણા રહે. બંને દૂધની ડેરી પાસે હૈદરી ચોક રાજકોટ વાળાની સામે ફરિયાદ નોંધાવી છે જેમાં જણાવ્યું છે કે, ફરિયાદીની જમીન આરોપી નૂરમહમદભાઈ આગરીયા પાસે હોય તે જમીન ફરિયાદી અને તેના પરિવારજન પરત માંગતા હતા જે આરોપી નૂરમહમદભાઈ અને સિરાજભાઈને સારું નહીં લાગતા તે બાબતે ફરિયાદી સામે તેણે સિવિલ કોર્ટમાં કેસ કર્યો હતો અને તે કોર્ટ ચુકાદો ફરિયાદીની તરફે આવે તેવી શક્યતા છે જેથી ફરિયાદીને જમીન પોતાના નામે કરી આપવાનું કહીને રમઝાનભાઈ અને બિલાલભાઈ દ્વારા અવારનવાર રૂબરૂ મળીને તથા ફોન ઉપર ગાળો આપીને જાનથી મારી નાખવાની ધમકી આપવામાં આવે છે અને તેમજ ફરિયાદીના ઘર પાસે આવીને ઘરે છુટા પથ્થરના ઘા કરીને ઘરમાં બારી દરવાજાના કાચ તથા બહાર પડેલ કારના કાચ તોડી નાખીને નુકસાન કર્યું હતું. જેથી ભોગ બનેલા યુવાન દ્વારા નોંધાવવામાં આવેલ ફરિયાદ આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરી છે.