મોરબી શહેર અને વાંકાનેર તાલુકામાં જુગારની ત્રણ રેડ: 11 પકડાયા
Morbi Today
હળવદના ચુંપણી પાસેથી કતલખાને લઈ જવાતા પાંચ પાડાને બચાવ્યા: બોલેરો છોડીને નાસી ગયેલ શખ્સ સામે ગુનો નોંધાયો
SHARE
JOIN OUR GROUP
હળવદના ચુંપણી પાસેથી કતલખાને લઈ જવાતા પાંચ પાડાને બચાવ્યા: બોલેરો છોડીને નાસી ગયેલ શખ્સ સામે ગુનો નોંધાયો
હળવદ તાલુકાના ચુંપણી ગામની સીમમાં માણેકવાડા ગામ તરફ જવાના રસ્તા ઉપરથી બોલેરો ગાડી પસાર થઈ રહી હતી જે ગાડીની અંદર ચેક કરવામાં આવતા તેમાંથી કતલખાને લઈ જવામાં આવતા પાંચ પાડા મળી આવ્યા હતા જેથી કરીને પોલીસને બોલાવી હતી અને પોલીસે અબોલ જીવ તથા બોલેરો ગાડી સહિત 2.10 લાખનો મુદ્દામાલ કબજે કર્યો હતો અને હાલમાં બોલેરો ગાડી મૂકીને નાસી ગયેલા શખ્સની સામે ગુનો નોંધીને તેને પકડવા માટે તજવીજ શરૂ કરી છે.
જાણવા મળતી માહિતી મુજબ હળવદ તાલુકાના કડીયાણા ગામે રહેતા વિશાલભાઈ નરેન્દ્રભાઈ ત્રિવેદી જાતે બ્રાહ્મણ (35) એ હળવદ તાલુકા પોલીસ સ્ટેશન ખાતે બોલેરો ગાડી નંબર જીજે 36 વી 6260 ના ચાલક સામે ફરિયાદ નોંધાવેલ છે જેમાં તેને જણાવ્યું છે કે હળવદ તાલુકાના ચુંપણી ગામથી માણેકવાડા ગામ તરફ જવાના રસ્તા ઉપરથી બોલેરો ગાડી નંબર જીજે 36 વી 6260 પસાર થતી હતી ત્યારે તેને રોકીને ચેક કરવામાં આવતા તેમાં ઘાસચારો કે પાણીની કોઈપણ જાતની સગવડ રાખ્યા વગર પાંચ પાડાને કતલખાને લઈ જતા હોવાનું સામે આવ્યું હતું જેથી કરીને આ અંગેની જાણ પોલીસને કરવામાં આવતા પોલીસ ઘટના સ્થળે આવી હતી અને ત્યારે બોલેરો ગાડીનો ચાલક પોતાનું વાહન સ્થળ ઉપર છોડીને નાસી ગયો હતો જેથી દસ હજાર રૂપિયાની કિંમતના આબોલ જીવ તથા બે લાખ રૂપિયાની કિંમતની ગાડી મળીને 2,10,000 ની કિંમતનો મુદ્દામાલ કબજે કર્યો હતો અને હાલમાં પોલીસે ગુનો નોંધીને આરોપીને પકડવા માટે તપાસ શરૂ કરી છે.
