મોરબીના સીરામીક કારખાનામાંથી ૧૦ લાખની કિંમતના પાંચ હેડની ચોરી કરનારા બે શખ્સને એલસીબીએ દબોચ્યા

મોરબી તાલુકાના ભડિયાદ રોડે આવેલ સીરામીક કારખાનામાં કામ કરતાં કર્મચારી સહિતના બે શખ્સ દ્વારા ડીઝીટલ મશીનના ડાયમેટીક્ષ કંપીનીના પાંચ હેડની ચોરી કરવામાં આવી હતી જે શોરી કરેલા ડીઝીટલ મશીનના હેડ સાથે બે શખ્સને મોરબી જિલ્લા એલસીબીની ટીમે હાલમાં બે શખ્સને દબોચી લીધેલ છે. અને ૧૦,૦૦,૦૦૦ નો મુદામાલ કબજે કરેલ છે.

મોરબી જિલ્લા એલસીબીના ઇન્ચાર્જ પીઆઇ એમ.પી.પંડયાની સૂચના મુજબ સ્ટાફ કામ કરી રહ્યો છે ત્યારે એલસીબીના સુરેશભાઇ હુંબલ, ભગીરથસિંહ એસ.ઝાલા, વિક્રમભાઇ કુગશીયા તથા ભાવેશભાઇ મિયાત્રાને મળેલ બાતમી આધારે સીરામીક ઇન્ડસ્ટ્રીઝમાં પ્રિન્ટીંગ માટેના ડીઝીટલ મશીનમાં વપરાતા ચોરી કરેલ પાંચ હેડ થેલીમાં રાખીને વેચવા માટે નીકળેલા બે શખ્સને મોરબી-વાંકાનેર હાઇવે રોડે લાલપર નજીક સંતકુપા હોટલ પાસેથી ઝડપી લીધા હતા.

જે બે શખ્સને પકડવામાં આવ્યા છે તેમાં સચીનકુમાર મહેશભાઈ વાળા (૨૪) રહે.હાલ આનંદનગર શેરી નં-૩ સામાકાંઠે મોરબી મૂળ કડવાસન તાલુકો કોડીનાર જી.ગીર સોમનાથ અને વિશ્વજીત દિનેશભાઇ મોરી (૨૪) રહે. ગુ.હાઉસીંગ બોર્ડ, સામાકાંઠે મોરબી મુળ રહે. દેવરી તાલુકો કોડીનાર જી. ગીર સોમનાથ વાળાનો સમાવેશ થાય છે.આ બંને શખ્સની પાસેથી ડીઝીટલ મશીનના ડાયમેટીક્ષ કંપનીના પાંચ હેડ તેની પાસેથી મળી આવ્યા હતા.જેથી કરીને ૧૦ લાખની કિંમતના હેડ કબજે કર્યા હતા.

આ બંને શખ્સની પુછપરછ કરતા તેને આ હેડ મોરબીના ભડિયાદ રોડે આવેલ મિલેનિયમ સીરામીક કારખાનાના સ્ટોર રૂમમાંથી અલગ-અલગ તારીખ અને સમયે ચોરી કે છળકપટથી મેળવેલ છે.હાલમાં બંને શખ્સને પોલીસે હસ્તગ કરીને આગળની કાર્યવાહી અર્થે મોરબી તાલુકા પોલીસ સ્ટેશનને સોપી આપેલ છે.

અત્રે ઉલેખનીય છેકે, વિશ્વજીત દિનેશભાઇ મોરી હાલમાં મિલેનિયમ સીરામીક કારખાનામાં નોકરી કરે છે.આ બનાવમાં પોલીસે ફરિયાદ લેવા માટે તજવીજ શરૂ કરી છે.

યુવાન સારવારમાં

મોરબીના પીપળીયા ચાર રસ્તાથી આગળ ચાચાવદરડા ગામના પાટીયા પાસેથી રોડ ક્રોસ કરી રહેલા કિશોરભાઈ ગોરધનભાઈ દેવીપુજક (૩૫) નામના યુવાનને અજાણ્યા ટ્રક ચાલકે તેને હેડફેટે લેતા અકસ્માત થયો હતો જેમાં યુવાનને ઇજા થઈ હોવાથી ઇજા પામેલા યુવાનને પ્રથમ સારવાર માટે મોરબી અને ત્યાંથી વધુ સારવાર માટે તેને રાજકોટ લઈ ગયા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.