ટંકારા નજીક આવેલ ધર્મજીવન કોટનની ઓફીસમાં જુગાર રમતા 19 શખ્સો 3.10 લાખનો મુદામાલ કબ્જે મોરબીના ખારચિયા ગામે કુવામાં ડૂબી જતા તરૂણ અને ટંકારાના બંગાવડી ગામે વાડીએ કુંડીમાં ડૂબી જવાથી બાળકનું મોત માળીયા (મી)ના નાના દહીસરા ગામ પાસે રેલવે ટ્રેક ઉપર એન્જિનની હડફેટે ચડી જતા આધેડનું મોત: વાંકાનેર બાઉન્ડ્રી પાસે હોટલની રૂમમાં બેભાન અવસ્થામાં યુવાનનું મોત ટંકારાના લજાઈ અને વાંકાનેરના સિંધાવદર ગામ પાસે જુગારની રેડમાં કુલ 11 શખ્સો ઝડપાયા હળવદના સુંદરગઢ ગામના પુલ પાસે ટ્રક ટ્રેલરના ચાલકે ઇકો અને ટ્રકને હડફેટે લીધા બાદ રાહદારી આધેડે કચડી નાખતા ઘટના સ્થળે જ મોત ટંકારા-વાંકાનેરમાં બે ઘરફોડ ચોરીની ઘટનાને અંજામ આપનારા વડોદરા-અમદાવાદના બે શખ્સની 4.39 લાખના મુદ્દામાલ સાથે ધરપકડ હળવદના રાતાભે ગામે ઘરમાં જુગાર રમતા 8 ઝડપાયા: 1.27 લાખનો મુદ્દામાલ કબજે મોરબી જિલ્લા ભાજપ કાર્યાલય ખાતે જિલ્લા અધ્યક્ષ જયંતીભાઈ રાજકોટીયાના હસ્તે ધ્વજવંદન, નાની બરાર ગામમાં સરપંચ દ્વારા વિદ્યાર્થીઓને સ્ટેશનરી કીટનું વિતરણ

Breaking news

Morbi Today

લાલબતી: મોરબીમાં મોજશોખ પૂરા કરવા રૂપિયા ન મળતા યુવાને આપઘાત કર્યો હોવાનું ખૂલ્યું

26-07-2024 10:05 AM

મોરબી સહિત ગુજરાત માટે લાલબતી સમાન કહી શકાય તેવો કિસ્સો હાલમાં મોરબીમાં સામે આવ્યો છે. જેમાં યુવાનને પોતાના મોજશોખ પૂરા કરવા માટે થઈને રૂપિયા જોઈતા હતા અને અવારનવાર તે રૂપિયા માટે થઈને તેના પરિવારજનોને ડરાવતો અને ધમકાવતો હતો દરમિયાન પૈસા માટે તે પોતાના ઘરેથી ઝઘડો કરીને નીકળ્યા બાદ તેણે મોરબી નજીકના મચ્છુ-3 ડેમમાં ઝંપલાવીને આપઘાત કરી લીધો હોવાનું સામે આવ્યું છે. જેની પોલીસે નોંધ કરી આગળની કાર્યવાહી હાથ ધરી છે.

જાણવા મળતી માહિતી મુજબ મોરબીના બાયપાસ રોડ ઉપર આવેલ મચ્છુ-3 ડેમમાંથી આનંદ નરભેરામભાઈ આદ્રોજા જાતે પટેલ (34) રહે. કંડલા બાયપાસ રોડ સત્કાર પાર્ટી પ્લોટની સામે અંજલી એપાર્ટમેન્ટ વાળાનો મૃતદેહ મળી આવ્યો હતો. જે અંગેની મોરબી તાલુકા પોલીસે નોંધ કરી આગળની કાર્યવાહી હાથ ધરી હતી. અને આ બનાવ અંગેની તપાસ મોરબી તાલુકા પોલીસ સ્ટેશનના એ.એમ. જાપડીયા ચલાવી રહ્યા હોય તેઓની સાથે વાત કરતા જાણવા મળ્યું હતું કે મૃતક યુવાનને મોજ શોખ પૂરા કરવા માટે રૂપિયાની જરૂર હોય તે અવારનવાર તેની માતા અને પત્ની પાસે રૂપિયાની માંગણી કરતો હતો. અને ડરાવતો તેમજ ધમકાવતો હતો અને તેવી જ રીતે તેણે પૈસા માટે ઘરે બોલાચાલી અને ઝઘડો કર્યો હતો ત્યાર બાદ તે ઘરેથી નીકળી ગયો હતો અને બાદમાં તેનો મૃતદેહ મોરબી નજીકના મચ્છુ-3 ડેમના પાણીમાંથી મળી આવ્યો હતો. જેથી મોજ શોખ પૂરા કરવા માટે રૂપિયા ન મળતા યુવાને અંતિમ પગલું ભર્યું હોવાનું તેના પરિવારજન પાસેથી પોલીસને જાણવા મળેલ છે. જે અંગેની પોલીસે નોંધ કરી આગળની કાર્યવાહી હાથ ધરી છે.

બાઇક સ્લીપ

મોરબીના રવાપર રોડ ઉપર આવેલ વિજયનગરમાં રહેતા સવિતાબેન છગનભાઈ ઝાલરીયા (80) નામના વૃદ્ધા વિજયનગરમાં આવેલ શારદા વિદ્યાલય નજીકથી બાઈકમાં પાછળના ભાગે બેસીને પસાર થઈ રહ્યા હતા. ત્યારે કોઈ કારણોસર બાઈક સ્લીપ થયું હતું અને વૃદ્ધા રસ્તા ઉપર નીચે પટકાતા તેઓને શરીરે ઇજા થઇ હોવાથી ઇજા પામેલ વૃદ્ધાને મોરબીની ખાનગી હોસ્પિટલમાં લાવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે