માળીયા(મી) પોલીસે સી.સી.ટીવી કેમેરાની ચોરાઉ બેટરીઓ-ઇન્વેટરો સાથે શીકારપુરના બે શખ્સને દબોચ્યા
Morbi Today
મોરબી નજીક ભરતનગરના પાટીયા પાસે ૧૫૬ બોટલ દારૂ ભરેલી ઇનોવા કાર સાથે ભચાઉનો એક શખ્સ પકડાયો
SHARE
JOIN OUR GROUP
મોરબી નજીક ભરતનગરના પાટીયા પાસે ૧૫૬ બોટલ દારૂ ભરેલી ઇનોવા કાર સાથે ભચાઉનો એક શખ્સ પકડાયો
મોરબી માળીયા હાઇવે ઉપર ભરતનગર ગામના પાટીયા પાસે પસાર થતી ઇનોવા કારને રોકીને પોલીસે ચેક કરતાં કારમાથી દારૂનો ૧૫૬ બોટલો મળી આવી હતી જેથી પોલીસે કાર અને દારૂ સહિત ૩,૫૮,૫૦૦ નો મુદ્દામાલ કબ્જે કરીને ભચાઉના એક શખ્સની ધરપકડ કરેલ છે અને તેની કારમાં ભીમાસરના શખ્સે દારૂ ભરી આપેલ હોવાથી તેની સામે પણ ગુનો નોંધીને આરોપીને પકડવા માટે પોલીસે તજવીજ શરૂ કરેલ છે.
મોરબી તાલુકા પોલીસ સ્ટેશનમાં ફરજ બજાવતા યોગીરાજસિંહ જાડેજા તથા રવિરાજસિંહ ઝાલાને મળેલ ખાનગી બાતમી આધારે પોલીસ ઇન્સ્પેકટર એમ.આર.ગોઢાણીયાના સીધા માર્ગદર્શન હેઠળ પીએસઆઈ વી.જી.જેઠવા અને સ્ટાફ માળીયા મોરબી હાઇવે ઉપર ભરતનગર ગામના પાટીયા પાસે વોચમાં હતો ત્યારે હકીકતવાળી ટોયોટા કંપનીની ઇનોવા કાર ત્યાથી નીકળતા તેને રોકવા જતા કાર ચાલક પોતાની કાર લઇ ભાગવાનો પ્રયાસ કર્યો હતો અને બાદમાં કારને આંતરી કારને ઉભી રખાવી કારમાં ચેક કરતાં વિદેશીદારૂની બોટલોનો જથ્થો મળી આવ્યો હતો જેથી પોલીસે હાલમાં મહેન્દ્રભાઇ મનજીભાઇ સાલાણી જાતે કોળી (ઉ.૨૩) રહે. ભચાઉ, લાયન્સનગર પાસે, વાળાની મેકડોવેલ્સ નંબર -૦૧ સુપીરીયર વ્હિસ્કી ફોર સેલ ઇન હરીયાણા ઓન્લી લખેલ ૭૫૦ મી.લી. ની કાચની કંપની શીલપેક ૧૫૬ બોટલો જેની કિંમત ૫૮,૫૦૦ તથા ટોયોટો કંપનીની ઇનોવા કાર નંબર જીજે ૫ સીજે ૭૪૪૮ જેની કિંમત ૩,૦૦,૦૦૦ આમ કુલ મળીને ૩,૫૮,૫૦૦ નો મુદ્દામાલ કબ્જે કરવામાં આવેલ છે અને હાલમાં પકડાયેલા આરોપીને કારમાં દારૂ સુરેશભાઇ નથુભાઇ સાલાણી જાતે કોળી રહે. ભીમાસર (ભુટકીયા) તાલુકો રાપર વાળાએ ભરી આપેલ હોવાથી તેને પકડવા માટે ચક્રોગતિમાન કરવામાં આવેલ છે.
