વાંકાનેરના વઘાસીયા પાસે કારખાનાની ઓરડીમાં ગળાફાંસો ખાઇને પરણીતાનો આપઘાત
Morbi Today
મોરબીના મકનસર નજીક અજાણ્યા વાહને ડબલ સવારી બાઇકને હડફેટે લેતા યુવાનનું મોત: એકને ઇજા
SHARE
JOIN OUR GROUP
મોરબીના મકનસર નજીક અજાણ્યા વાહને ડબલ સવારી બાઇકને હડફેટે લેતા યુવાનનું મોત: એકને ઇજા
મોરબી વાંકાનેર હાઇવે ઉપર મકનસર નજીક એક્સલ સીરામીક પાસેથી થોડા દિવસો પહેલા ડબલ સવારી બાઇક પસાર થતું હતું ત્યારે તેને અજાણ્યા વાહન ચાલકે હડફેટે લેતા વાંકાનેરના યુવાનનું મોત નીપજયું હતું અને તેની સાથે બેઠેલા અન્ય એક વ્યક્તિને ઇજા થતાં સારવારમાં લઈ ગયા હતા હાલમાં મૃતક યુવાનના પિતાએ મોરબી તાલુકા પોલીસ સ્ટેશન ખાતે અજાણ્યા વાહન ચાલકની સામે ફરિયાદ નોંધાવી છે જેથી કરીને પોલીસે ગુનો નોંધીને આરોપીને પકડવા માટે તજવીજ શરૂ કરવામાં આવેલ છે
બનાવની જાણવા મળતી માહિતી મુજબ વાકાનેર જીનપરા અમરનાથ સોસાયટી શેરી નં.૨ માં રહેતા દેવેન્દ્રભાઇ કાન્તિલાલભાઇ પંડ્યા (ઉ.૫૨)એ હાલમાં અજાણ્યા વાહન ચાલકની સામે ફરિયાદ નોંધાવી છે જેમાં તેને જણાવ્યુ છે કે, ગત તા તા.૧૧/૧૦ ના રોજ રાત્રીના અગિયારેક વાગ્યાના અરસામા મોરબી વાંકાનેર હાઇવે ઉપર મકનસર નજીક એક્સલ સીરામીક પાસે તેનો દિકરો રૂત્વિકભાઇ હોન્ડા ડ્રીમ યુગા બાઇક નંબર જીજે ૩ એચસી ૨૧૯૨ લઈને જતો હતો ત્યારે તેને અજાણ્યા વાહન ચાલકે હડફેટે લીધો હતો જેથી કરીને તેને પગમાં અને શરીરે ગંભીર ઇજાઓ થઈ હતી જેથી કરીને રૂત્વિકનું મોત નીપજયું હતું અને તેની સાથે બાઈકમાં બેઠેલા મહિન્દ્રભાઇ પ્રવિણભાઇ મકવાણાને પણ શરીરે ગંભીર ઇજા થઈ હતી અને આરોપી પોતાનું વાહન લઈને નાશી ગયો હતો હાલમાં મોરબી તાલુકા પોલીસે અકસ્માતના આ બનાવમાં મૃતક યુવાનના પિતાની ફરિયાદ લઈને આઇ.પી.સી. કલમ ૨૭૯, ૩૩૭, ૩૩૮, ૩૦૪(અ) તથા એમ વી એકટ કલમ-૧૭૭, ૧૮૪, ૧૩૪ મુજબ ગુનો નોંધીને આરોપીને પકડવા માટે ચક્રોગતિમાન કરેલ છે
