મોરબી પાલિકામાં બાકી વેરો ન ભરનારા વધુ બે આસામીઓની મિલકત સીલ

મોરબી નગરપાલિકા દ્વારા બાકી વેરને વસૂલ કરવા માટે કડક કાર્યવાહી કરવામાં આવી રહી છે ત્યારે લાખોના બાકી વેરા ન ભરનારા વધુ બે આસામીઓની મિલકત જપ્તી નોટીસ આપવામાં આવ્યા પછી પણ વેરો ભરવામાં આવેલ ન હતો જેથી કરીને વધુ બે આસામીઓની મિલકત સીલ કરવામાં આવી છે 

મોરબી નગરપાલિકાને આ મહિનાના અંત સુધીમાં કરોડો રૂપિયાનો વેરો બાકી છે જે વસૂલ કરવા માટેની કાર્યવાહી કરવામાં આવી રહી છે અને બાકી વેરાને વસુલાત કરવા માટે આસામીઓનું લીસ્ટ પણ તૈયાર કરવામાં આવી છે અને સમયાંતરે જપ્તી નોટિસ અને આખરી નોટિસ પણ આપી દેવામાં આવી છે અને જે આસામીઓનો લખો રૂપિયાનો વેરો બાકી છે તેવા આસામીઓની મિકલતને જપ્ત પણ કરવામાં આવી રહી છે અગાઉ બે આસામીઓની મિલકતોને સીલ કરવામાં આવી હતી ત્યાર બાદ મોરબીના જુના બસ સ્ટેન્ડ પાસ આવેલ દોશી ટાવરના પહેલા માળે આવેલ એમ.એમ. દોશી એન્ડ સન્સ (જૂની સીન્ડીકેટ બેંક) નો ૮ લાખથી વધુનો વેરો બાકી છે તેવી જ રીતે ધરતી ટાવર નીચે આવેલ ડોસાણી અમીન અબ્દુલભાઈની મિલકતનો ૬ લાખથી વધુનો વેરો બાકી છે જેથી કરીને પાલિકાએ આ બંને મિકલતોને સીલ કરી નાખેલ છે અને આ કામગીરી હજુ પણ ચાલુ જ રહેવાની છે