મોરબીના મહિલા સંગઠનોએ પશ્ચીમ બંગાળમાં મહિલા અત્યારચારના વિરોધમાં આવેદનપત્ર પાઠવ્યું

પશ્ચિમ બંગાળના સંદેશખાલી વિસ્તારમાં મહિલાઓ સાથે અત્યાચાર કરવામાં આવે છે તેનો દેશભરમાં વિરોધ કરવામાં આવી રહ્યો છે ત્યારે મોરબી મહિલા સમિતિ અને નારાયણ શક્તિ સંગઠન દ્વારા રાષ્ટ્રપતિને કલેકટર મારફત આવેદનપત્ર આપવામાં આવ્યું છે જેમાં તેને જણાવ્યુ છે કે, સંદેશખાલીમાં મહિલાઓ અને પરિવારો પર અમાનવીય અત્યાચાર કરવામાં આવે છે અને આવી ઘટનાઓ સતત બની રહી છે અને ૪૭ દિવસ પૂર્વે ઇડી અધિકારીઓની ટીમ પર હુમલો થયો હતો તેમજ બાળકો અને મહિલાઓ ઉપર અત્યાચાર અને જામીન પચાવી પાડવાની ઘટનાઓ સામે આવી રહી છે ત્યાર પછી પણ ત્યાં પોલીસે એફઆઈઆર નોંધી નથી જેથી પશ્ચિમ બંગાળમાં થઇ રહેલા અત્યાચારોના બનાવમાં દોષિતો વિરુદ્ધ તુરંત કાર્યવાહી કરવામાં આવે બધા દોષિતો સામે ફાસ્ટ ટ્રેક કોર્ટમાં કેસ ચલાવી ન્યાય આપવામાં આવે અને પીડિત મહિલાઓ અને તેના પરિવારને સુરક્ષા આપવામાં આવે તેમજ આર્થિક સહાયતા આપવામાં આવે તેવી માંગ કરવામાં આવેલ છે