મોરબીના જુદા-જુદા વિસ્તારમાંથી ખાણ ખનીજ વિભાગે ત્રણ વાહનો જપ્ત કરી દંડની કાર્યવાહી શરૂ કરી
SHARE
JOIN OUR GROUP
મોરબીના જુદા-જુદા વિસ્તારમાંથી ખાણ ખનીજ વિભાગે ત્રણ વાહનો જપ્ત કરી દંડની કાર્યવાહી શરૂ કરી
મોરબી ખાણ ખનીજ વિભાગ દ્વારા જુદા જુદા વિસ્તારમાં વોચ ગોઠવીને બિનઅધિકૃતપણે ખનીજ પરિવહન કરતાં ત્રણ વાહનો જપ્ત કરવામાં આવ્યા હતા અને દંડ વસુલ કરવાની કામગીરી હાથ ધરી હોવાનું જાણવા મળે છે.
મોરબી સીટી એ ડિવિઝન પોલીસ સૂત્રોમાંથી મળતી માહિતી પ્રમાણે મોરબીના પંચાસર ચોકડી પાસેથી ખાણ ખનીજ વિભાગના અધિકારી જે.એન.કરમુર દ્વારા રેતી ભરીને પસાર થઈ રહેલ ટ્રક ડમ્પર નંબર જીજે ૩૬ યુ ૯૫૮૩ ને અટકાવવામાં આવ્યું હતું અને તેમાં ભરેલા રેતી બાબતે પાસ પરમિટ આધાર પુરાવાઓ માંગવામાં આવ્યા હતા જે ન હોય દંડ વસૂલવાની કાર્યવાહી અર્થે વાહનને જપ્ત કરીને હાલ એ ડિવિઝન પોલીસ હવાલે કરવામાં આવ્યુ હતુ.
તે રીતે જ મોરબી ખાણ ખનીજ વિભાગ દ્વારા જાંબુડીયા ગામ નજીક વોચ ગોઠવવામાં આવી હતી અને ત્યાંથી ખનીજ ભરીને નીકળેલ વાહનને ખાણ ખનીજ વિભાગના જી.કે.ચંદારાણા દ્વારા અટકાવીને વાહનના ડ્રાઇવર અજીત બાબુભાઈ રહે.જાંબુડીયા વાળા પાસે તેના ડમ્પર નંબર જીજે ૩૬ વી ૬૬૨૦ માં ભરેલ ખનીજ અંગે આધાર પુરાવા માંગવામાં આવ્યા હતા.જે તેની પાસે ન હોય દંડ વસૂલવાની કાર્યવાહી માટે તેનું વાહન પણ જપ્ત કરીને તાલુકા પોલીસ હવાલે કરવામાં આવ્યુ હતુ.
તેમજ ખાણ ખનીજ વિભાગના જી.કે.ચંદારાણા દ્વારા મોરબી તાલુકાના ગોર ખીજડીયા ગામ પાસેથી નીકળેલ વાહન નંબર જીજે ૧૩ એડબલ્યુ ૧૨૭૪ ને અટકાવીને તેના ચાલક કાંતિભાઈ નૈડાભાઈ ડામોર રહે.મીતાણા તા.ટંકારા વાળા પાસે તેના વાહનમાં ભરેલ ખનીજ અંગે આધાર પુરાવા માંગવામાં આવ્યા હતા જે તેની પાસે ન હોય દંડ વસૂલવાની કાર્યવાહી માટે તેનું વાહન પણ જપ્ત કરીને તાલુકા પોલીસ હવાલે કરવામાં આવ્યું હતું.ઉપરોક્ત ત્રણેય બનાવમાં વાહનોમાં ભરેલ ખનીજ દ્રવ્યો સંદર્ભે તપાસ કરીને તે મુજબ દંડ કરવા માટેની કાર્યવાહી ખાણ ખનીજ વિભાગ દ્વારા હાથ ધરવામાં આવેલ છે.
