મોરબી ઔદિચ્ય સહસ્ત્ર બ્રાહ્મણ જ્ઞાતિનું સ્નેહમિલન સંગીત સંધ્યા સાથે યોજાશે
Morbi Today
આંતરરાષ્ટ્રીય યુથ એક્સચેન્જ કાર્યક્રમમાં મોરબીના રંગપર ગામના મયુરીબા ઝાલાની પસંદગી
SHARE
JOIN OUR GROUP
આંતરરાષ્ટ્રીય યુથ એક્સચેન્જ કાર્યક્રમમાં મોરબીના રંગપર ગામના મયુરીબા ઝાલાની પસંદગી
અખિલ ભારતીય વિદ્યાર્થી પરિષદ ની પૂર્ણકાલિન કાર્યકર્તા મયુરીબા ઝાલા ૨૦૧૮ થી અખીલ ભારતીય વિધાર્થી પરિષદમા સતત સક્રિય કાર્યકર્તા છે. હાલમા તેઓ કેન્દ્રીય કાર્યસમીતી સદસ્ય તથા કર્ણાવતી મહાનગરના વિભાગ સંગઠન મંત્રી તરીકે વિધાર્થીઓનુ પ્રતિનિધિત્વ કરી રહ્યા છે.જેમનુ 'ધ શિપ ફોર વર્લ્ડ યુથ' કાર્યક્રમમા ચયન થયું છે.'ધ શિપ ફોર વર્લ્ડ યુથ' કાર્યક્રમ ૨૪ જાન્યુઆરી ૨૦૨૪ થી શરૂઆત થવા જઈ રહી છે.જેમા જાપાન સહિત ૧૪ દેશોના યુવાનો સહભાગી થશે.જેમા ભારતમાથી ૧૧ સદસ્યોનુ પ્રતિનિધિ મંડળ ભાગ લેશે.એક મહીના સુધી આ કાર્યક્રમમા યુવા શિક્ષા, પર્યાવરણ સંરક્ષણ, પર્યટન, યુવા સશક્તિકરણ, પરંપરા, સંસ્કૃતિ સંરક્ષણ અને નિરિક્ષણ સાથે જ ઈતિહાસ જેવા વિષયો પર પ્રશિક્ષણ અને સંવાદ થશે.તે પૂર્વ પણ બધા પ્રતિનિધિઓ ઓનલાઇન માધ્યમથી પણ ચર્ચા કરશે.
મોરબી જિલ્લાના રંગપર ગામમાંથી આવતા મયુરીબા ઝાલાના પિતા ડ્રાઈવર તરીકે ફરજ બજાવી પરીવારનુ ગુજરાન ચલાવી રહ્યા છે.મયુરીબાએ પોતાનો અભ્યાસ પ્રાથમિક શાળા રંગપરથી સર્વોદય સાયન્સ સ્કૂલ રાજકોટ ખાતેથી પૂર્ણ કરીને ઉચ્ચ અભ્યાસ જીઇસી, રાજકોટથી ઇસી એન્જીન્યરીંગમાં પૂર્ણ કરેલ છે.આ કાર્યક્રમમા ભારત, આર્જેન્ટિના, ઇથોપિયા, ફ્રાંસ, આયર્લેન્ડ, જોર્ડન, કેન્યા, યુનાઈટેડ મેક્સિકન સ્ટેટસ, ન્યુઝીલેન્ડ, સોલોમોન આઇસલેન્ડ, તુર્કી, યુનાઇટેડ અરબ એમિરેટ્સ, રિપબ્લિક ઓફ ઝાબિયા અને જાપાન સહિતના દેશો સહભાગી થશે.
