મોરબી નજીકના ઘુંટુ પાસેથી ચોરાઉ બાઇક સાથે એક ઝડપાયો
SHARE
JOIN OUR GROUP
મોરબી નજીકના ઘુંટુ પાસેથી ચોરાઉ બાઇક સાથે એક ઝડપાયો
મોરબી તાલુકાના ઘૂટું ગામે આવેલ રામનગરી-૨ માં રહેતા યુવાનનું બાઇક ચોરી કરવામાં આવ્યું હતું જેની મોરબી તાલુકા પોલીસ સ્ટેશને ફરિયાદ નોંધાઈ છે તેના આધરે પોલીસે શંકાસ્પદ બાઈકની સાથે પકડેલા શખ્સની સઘન પૂછપરછ કરતાં તેને ઘૂટુંથી બાઈકની ચોરી કરી હોવાની કબૂલાત આપી હતી જેથી પોલીસે ચોરાઉ બાઈકની સાથે એક શખ્સની ધરપકડ કરેલ છે.
મોરબી તાલુકા પીઆઇ એમ.આર.ગોઢાણીયાની સૂચના મુજબ સ્ટાફ દ્વારા કામ કરવામાં આવી રહ્યું છે ત્યારે જયદીપભાઇ પટેલ તથા પંકજભા ગુઢડાને મળેલ ખાનગી બાતમી આધારે ધુંટુ ગામ પાસે રામકો વિલેજ નજીકથી પસાર થતાં બાઇક નંબર જીજે ૨૪ એકે ૫૬૧૬ ને રોકીને પૂછપરછ કરતાં ચોરી કરીને મેળવેલ બાઇકને તે સગેવગે કરવાની પેરવીમાં હોવાનું સામે આવ્યું હતું જેથી કરીને પોલીસે ૨૫,૦૦૦ ની કિંમતના ચોરાઉ બાઈકની સાથે આરોપી જનકભાઇ હસમુખભાઇ પરમાર (ઉ.૨૮) રહે. હાલ ઘુંટુ મુળ કંકાવટી તાલુકો ધ્રાંગધ્રા વાળાની ધરપકડ કરેલ છે અને આ બાઈકના માલિક મુકેશભાઇ ધરમશીભાઈ નિરાશ્રિત જાતે ઠાકોર (૨૪) રહે, રામનગરી-૨ ઘૂટું વાળાની ફરિયાદ લઈને બાઇક ચોરીનો ગુનો નોંધીને આરોપીની ધરપકડ કરી છે આ કામગીરી નગીનદાસ નિમાવત, સુરેશભાઇ હુંબલ, હરેશભાઇ આગલ, યોગીરાજસિંહ જાડેજા, જયેશભાઇ ચાવડા, ફતેસંગ પરમાર, દિવ્યરાજસિંહ જાડેજા, જયદીપભાઇ પટેલ, પંકજભા ગુઢડા તથા રવિરાજસિંહ ઝાલાએ કરી હતી.
