મોરબીમાં ક્રિષ્ના પાનના ગલ્લેથી પોલીસે નસીલી શિરપની ૩૯ બોટલ કબ્જે કરી

મોરબીના કંડલા બાયપાસ રોડ ઉપર આવેલા ક્રિષ્ના હોટલના ગ્રાઉન્ડમાં ક્રિષ્ના પાનના ગલ્લે આયુર્વેદિક નસીલી સિરપનો બોટલો વેચાતી હોવાની હકીકત મળી હતી જેના આધારે ત્યાં ચેક કરવામાં આવતા સ્થળ ઉપરથી નસીલી સીરપની ૩૯ બોટલો મળી આવી હતી જેથી કરીને પોલીસે ૫૮૫૦ ની કિંમતની સિરપની બોટલો કબજે કરી હતી અને આગળની રાબેતા મુજબની કાર્યવાહી હાથ ધરી હતી

જાણવા મળતી માહિતી પ્રમાણે મોરબીના જુદા જુદા વિસ્તારોની અંદર નસીલી સીરપનું વેચાણ કરવામાં આવતું હોય પોલીસ દ્વારા ત્યાં સ્થળ ઉપર જઈને સીરપનો જથ્થો કબજે કરવામાં આવી રહ્યો છે તેવી જ રીતે મોરબીના બાયપાસ રોડ ઉપર આવેલ ક્રિષ્ના હોટલના ગ્રાઉન્ડમાં ક્રિષ્ના પાનના ગલ્લેથી વેચાણ કરવામાં આવતું હોવાની હકીકત મળી હતી જેથી કરીને પોલીસે ભૂદરભાઇ કરસનભાઈ પરમાર જાતે સતવારા (૨૦) રહે. યદુનંદન-૨ નાની કેનાલની બાજુમાં સનાળા રોડ મોરબી વાળાના ક્રિષ્ના પાનના ગલ્લે ચેક કર્યું હતું ત્યારે ત્યાંથી નસીલી સિરપની ૩૯ બોટલ મળી આવતા પોલીસે ૫૮૫૦ ની કિંમતનો મુદ્દામાલ કબજે કર્યો હતો અને તેને આ માલ કોઈપણ જાતના આધાર પુરાવા વગર વેચાણ કરવા માટે નિલેશભાઈ ગગુભાઈ ચાવડા જાતે આહિર (૪૨) રહે. ઉમિયા સર્કલ પાછળ યદુનંદન-૨ મોરબી વાળાએ આપેલ હોવાનું સામે આવતા પોલીસે તે અંગેની નોંધ કરી આગળની રાબેતા મુજબની કાર્યવાહી હાથ ધરી છે અને આ બનાવની આગળની વધુ તપાસ મોરબી એ ડિવિઝન પોલીસ સ્ટેશન ખાતે પીએસઆઇ એ.વી. પાતાળિયા ચલાવી રહ્યા હોવાનું સામે આવ્યું છે

એક બોટલ દારૂ

મોરબીના નવલખી રોડ ઉપર આવેલ કુબેરનગર પાછળ જિન નજીકથી પસાર થઈ રહેલા શખ્સને રોકીને પોલીસે ચેક કર્યો હતો ત્યારે તેની પાસેથી દારૂની એક બોટલ મળી આવી હતી જેથી કરીને પોલીસે ૩૦૦ ની કિંમતની દારૂની બોટલ કબજે કરી વિનુભાઈ કાનજીભાઈ મિયાત્રા જાતે આહિર (૩૭) રહે. ગાયત્રી નગર પાસે કૃષ્ણનગર-૨ મોરબી વાળાની ધરપકડ કરી આગળની રાબેતા મુજબની કાર્યવાહી હાથ ધરી છે