મોરબીના મારુતિ પાર્કમાં શેરીમાં કચરો ભેગો કરવા બાબતે પાડોશીઓ વચ્ચે બઘડાટી

મોરબી શહેરના વાવડી રોડ ઉપર આવેલ મારુતિ પાર્કમાં શેરી વાળવા બાબતે અને ઘર પાસે કચરો ભેગો કરવા બાબતે પાડોશીઓ વચ્ચે બોલાચાલી થઈ હતી અને ત્યારબાદ ઝઘડો થયો હતો અને સામસામે મારામારીનો બનાવ બન્યો હતો જેમાં ઇજા પામેલા વ્યક્તિઓને સારવાર માટે લઈ ગયા હતા અને ત્યારબાદ મોરબી એ ડિવિઝન પોલીસ સ્ટેશન ખાતે બંને પક્ષેથી સામસામે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરલે છે

બનાવની જાણવા મળતી માહિતી મુજબ મોરબીના વાવડી રોડ ઉપર આવેલ ગાયત્રીનગર પાસે મારુતિ પાર્કમાં રહેતા પાયલબેન વિશાલભાઈ લાવડીયા જાતે આહિર (૨૯)એ હાલમાં શુભાંગીબેન અને હરપાલસિંહ ડોડીયા રહે. બંને મારુતિ પાર્ક વાળાની સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, આરોપીએ શેરીમાં ફરિયાદીના ઘર પાસે કચરો ભેગો ન કરવા બાબતે ફરિયાદી અને સાહેદ સાથે બોલાચાલી કરીને ઝઘડો કર્યો હતો અને ત્યારે સુભાંગીબેને ફરિયાદીને ઢીકાપાટુનો માર મારીને લાકડાના ધોકા વડે કપાળના ભાગે માર મારીને ઇજા કરી હતી તેમજ હરપાલસિંહએ ફરિયાદી મહિલા તથા સાહેદ સાથે બોલાચાલી કરી ઝઘડો કરી માર માર્યો હતો જેથી સારવાર લીધા બાદ પાયલબેને નોંધાવેલ ફરિયાદ આધારે પોલીસે બે વ્યક્તિની સામે ગુનો નોંધી આરોપીને પકડવા માટે તજવીજ શરૂ કરેલ છે

તો મારુતિ પાર્કમાં રહેતા શુભાંગીબેન પ્રદિપસિંહ ડોડીયા (૨૬)એ પાયલબેન વિશાલભાઈ લાવડીયા અને વિશાલભાઈ લાવડીયા રહે. બંને મારુતિ પાર્ક વાળાની સામે ફરિયાદ નોંધાવી છે જેમાં તેને જણાવ્યું છે કે, આરોપીઓએ શેરી વાળવા બાબતે ફરિયાદી સાથે બોલાચાલી અને ઝઘડો કર્યો હતો ત્યારે પાયલબેને ફરિયાદીને ગાળો આપી ધોકા વડે માર માર્યો હતો અને માથામાં ઇજા કરી હતી અને ઢીકાપાટુનો માર મારીને ઇજા કરી હતી જેથી શુભાંગીબેનને ઈજાઓ થઇ હોવાથી સારવાર માટે લઈ ગયા હતા અને ત્યારબાદ તેણે હાલમાં પાયલબેન અને વિશાલભાઈની સામે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે