મોરબીમાં સોશ્યલ મીડિયાથી સંપર્કમાં આવેલ યુવતી સાથે દુષ્કર્મ આચરી ગર્ભવતી બનાવી દીધી

સોશ્યલ મીડિયાથી સંપર્કમાં આવીને ઘણી વખત અઘટિત બનાવો બને છે આવી જ રીતે મોરબી તાલુકામાં રહેતી એક યુવતી ઇન્સ્ટાગ્રામથી યુવકના સંપર્કમાં આવી હતી અને ત્યાર બાદ યુવતી સાથે દુષ્કર્મ આચરવામાં આવ્યું હતું અને તેના પરિવારજનોને જાનથી મારી નાખવાની ધમકી આપી હતી જેથી યુવતી પરિવારને જાણ કરી ન હતી જો કે, યુવતી ગર્ભવતી હોવાનું સામે આવ્યું ત્યાર બાદ દુષ્કર્મની ઘટના સામે આવી છે જેથી કરીને હાલમાં ભોગ બનેલ યુવતીએ નોંધાવેલ ફરિયાદ આધારે પોલીસે દુષ્કર્મનો ગુનો નોંધીને આરોપીને પકડવા માટે તજવીજ શરૂ કરેલ છે

જાણવા મળતી માહિતી મુજબ મોરબી તાલુકાના ગ્રામ્ય વિસ્તારમાં રહેતા પરિવારની યુવતી સોશ્યલ મીડિયાથી એક યુવકના સંપર્કમાં આવી હતી અને તે યુવતી સાથે મિત્રતા બનાવીને કાનો ભુપતભાઇ કોળી નામના શખ્સે યુવતીને મળવા માટે બોલાવી હતી અને ત્યાર બાદ તે શખ્સે યુવતીના પરિવારજનોને મારી નાખવાની ધમકી આપીને તેની સાથે એક નહીં બે વખત દુષ્કર્મ આચર્યું હતું અને યુવતીને કોઈને તેની જાણ ન કરવા માટે ધમકી આપી હતી દરમ્યાન યુવતી ગર્ભવતી હોવાનુ સામે આવ્યું હતું જેથી કરીને દુષ્કર્મનો આ મામલો સામે આવેલ છે અને હાલમાં યુવતીને પાંચ માસનો ગર્ભ હોવાનું સામે આવતા ભોગ બનેલ યુવતીએ મોરબી તાલુકા પોલીસ સ્ટેશને કાના ભુપતભાઇ કોળી સામે દુષ્કર્મની ફરિયાદ નોંધાવતાં પોલીસે ગુનો નોંધીને આરોપીને પકડવા માટે ચક્રોગતિમાન કરેલ છે