મોરબીમાં મનસુરી પીંજારા સમાજ રિલીફ કમિટી દ્રારા વિદ્યાર્થી સન્માન સમારોહ યોજાયો
Morbi Today
મોરબીના હળવદ ખાતે પત્ની રિસામણે જતી રહેતા દવા પી ગયેલ યુવાનનું સારવાર દરમિયાન મોત
SHARE
JOIN OUR GROUP
મોરબીના હળવદ ખાતે પત્ની રિસામણે જતી રહેતા દવા પી ગયેલ યુવાનનું સારવાર દરમિયાન મોત
મોરબીના હળવદ ખાતે વાડી વિસ્તારમાં રહીને મજૂરી કામ કરતા મૂળ છોટાઉદેપુરનો યુવાન ઝેરી દવા પી ગયો હતો અને તેનું રાજકોટ ખાતે સારવાર દરમિયાન મોત નિપજયુ હોવાનું જાણવા મળેલ છે.પત્ની રિસામણે ચાલ્યા ગયા બાદ યુવાને ઉપરોક્ત પગલું ભર્યું હતું.જેમાં સારવાર દરમિયાન યુવાનનું મોત થયેલ છે.
મોરબીના હળવદ ખાતે મુસાભાઇ ઘાંચીની વાડીએ રહીને ખેત મજૂરીનું કામ કરતા મૂળ છોટા ઉદેપુરના ટીડીયાભાઈ ઉર્ફે ટીકાભાઈ ઉર્ફે ટીડાભાઈ કૌવજીભાઈ (પોપાભાઈ) હુંબીલ આદિવાસી (ઉંમર ૨૯) નામના યુવાને ગત તા.૨-૯ ના ઝરી દવા પી લીધી હતી જેથી તેને હળવદ ખાતે સારવારમાં લઈ જવાયા બાદ વધુ સારવાર માટે રાજકોટ ખસેડાયો હતો અને ત્યાં રાજકોટ ખાતે સારવાર દરમિયાન ટીડીયાભાઇ (ટીકાભાઇ) પોપાભાઈ હુંબીલનું સારવાર દરમિયાન મોત નિપજ્યું છે.આ બનાવ સંદર્ભે રાજકોટ ખાતેથી યાદી આવતા હળવદ પોલીસ દ્વારા આ અંગે આગળની તપાસ ચલાવવામાં આવી રહી છે. વધુમાં સૂત્રોમાંથી મળતી માહિતી પ્રમાણે છેલ્લા કેટલાક દિવસથી ઘરકામ બાબતે પત્ની સાથે બોલાચાલી થવાથી પત્ની પિયર ચાલી ગઈ હોય તે બાબતનું મનમાં લાગી આવતા યુવાને આ પગલું ભરી લીધું હતું..!
ઝેરી અસર થતા સારવારમાં
મોરબીના માળિયા મીંયાણા તાલુકાના મોટી બરાર ગામે ઝેરી દવાનો છંટકાવ કરતા સમયે અસર થવાથી સોમનાથ અનિલભાઈ પવાર નામના ૧૭ વર્ષના મજૂર યુવાનને અત્રેની સિવિલે સારવાર માટે લાવવામાં આવ્યો હતો.તે રીતે જ હળવદ તાલુકાના સુંદરી ભવાની ગામે વાડી વિસ્તારમાં લાલાભાઇની વાડીએ રહેતા ખેત મજુરને ખેતરમાં દવા છાંટતા સમયે ઝેરી અસર થવાથી કમલેશ નાનજીભાઈ ગોધરીયા નામના ૨૮ વર્ષના યુવાનને પણ મોરબીની સિવિલ હોસ્પિટલે સારવાર માટે લાવવામાં આવ્યો હતો.
બાળક સારવારમાં
મોરબીના શનાળા પાસે આવેલ ખેરની વાડી વિસ્તારમાં રહેતા સહદેવ નટવરભાઈ કણજારીયા નામના આઠ વર્ષના બાળકને અકસ્માતે ઇજા થતાં અત્રેની ખાનગી હોસ્પિટલે સારવાર માટે ખસેડાયો હતો.પોલીસના જણાવ્યા પ્રમાણે સહદેવ કણજારીયા ઘર નજીક સાયકલ ચલાવી રહ્યો હતો ત્યારે સાયકલમાંથી અકસ્માતે પડી જતા ઈજા થતા તેને સારવારમાં લઈ જવામાં આવ્યો હતો.
