વાંકાનેરના કોઠારીયા, હોલમઢ, સરતાનપર અને સિંધાવદર ગામે જુગારની ચાર રેડ: ૧૬ જુગારી પકડાયા
Morbi Today
હળવદના ચરાડવામાંથી શંકાસ્પદ કેફી પીણાંની ૨૩૨૫ બોટલ કબજે: ૩.૪૫ લાખનો મુદામાલ પકડાયો
SHARE
JOIN OUR GROUP
હળવદના ચરાડવામાંથી શંકાસ્પદ કેફી પીણાંની ૨૩૨૫ બોટલ કબજે: ૩.૪૫ લાખનો મુદામાલ પકડાયો
હળવદ તાલુકાના ચરાડવા ગામે આયુર્વેદિક પીણાના નામે શંકાસ્પદ કેફી પીણું વેચવામાં આવી રહ્યું હતું જેથી કરીને મોરબી જિલ્લા એસઓજીની ટીમે ત્યાં રેડ કરીને આ શંકાસ્પદ પીણાંની કુલ મળીને ૨૩૨૫ બોટલો કબજે કરેલ છે અને તેના આધાર કે બીલ વગરના મોટા જથ્થાને રહેણાંક મકાનના ગોડાઉનમાં રાખવામા આવ્યો હતો જેથી પોલીસે આગળની કાર્યવાહી કરેલ છે
વર્તમાન સમયમાં આયુર્વેદિકની આડમાં બજારમાં હર્બી પીણાનું વેચાણ કરવામાં આવે છે અને કબજામાં પણ રાખતા હોય છે ત્યારે આવા શખ્સોને શોધવા માટે પોલીસ કવાયત કરતી હોય છે તેવામાં મોરબી જિલ્લા એસઓજીના પીઆઇ એમ.પી.પંડ્યાના માર્ગદર્શન હેઠળ સમગ્ર ટિમ કામ કરી રહી છે અને હળવદ વિસ્તારમાં ટિમ પેટ્રોલીંગમાં હતી ત્યારે શેખાભાઇ મોરી, મુકેશભાઇ જોગરાજીયા, ભાવેશભાઇ મિયાત્રાને સંયુક્ત બાતમી મળેલ કે, ચરાડવા ગોપાલનગરમાં રહેતા અને બસ સ્ટેશન પાસે મુરલીધર પાન સેન્ટરની દુકાન વાળા રાજેશભાઇ ડાયાભાઇ સોનગ્રા તેના કબજા ભોગવટા વાળા રહેણાંક મકાનમાં આવેલ દુકાન અને ગોડાઉનમાં આયુર્વેદિક શંકાસ્પદ કેફી પીણાની બોટલોનો મોટો જથ્થો રાખી તેનુ વેચાણ કરે છે.
જેથી કરીને ત્યાં રેડ કરી હતી ત્યારે તેના કબજા ભોગવટા વાળા સ્થળેથી બીલ કે આધાર વગરનો ગેરકાયદેસર “ASHVASHAV” ટોનીક 400 M.J.ની કાળા ઘોડા વાળી શીલપેક ૨૨૫૦ બોટલો જેની કિમત ૩,૩૫,૨૫૦ અને “AL MEGHASAVA ASAVA-ARISHTA” 375 M1,ની શીલપેક ૭૫ બોટલ જેની કિમત ૧૧,૧૭૫ આમ કુલ મળીને ૨૩૨૫ બોટલ જેની કિંમત ૩,૪૬,૪૨૫ નો મુદામાલ હાલમાં સી.આર.પી.સી. કલમ-૧૦૨ મુજબ કબજે કરીને રાજેશભાઇ ડાયાભાઇ સોનગ્રા જાતે સતવારા (૪૨) રહે. ગોપાલનગર ચરાડવા વાળાની અટકાયત કરીને આગળની કાર્યવાહી કરેલ છે
