મોરબીના પંચાસર રોડેથી બાઈકની ચોરી કરનાર શખ્સ ચોરાઉ બાઇક સાથે પકડાયો

મોરબીના પંચાસર રોડ ઉપર પ્રમુખસ્વામી સોસાયટીની પાછળ હરી દર્શન એપાર્ટમેન્ટમાં રહેતા યુવાને પંચાસર રોડ ઉપર ટ્રાન્સપોર્ટની પાછળની શેરીમાંથી બાઇક પાર્ક કરીને મૂક્યું હતું તે બાઈકની કોઈ અજાણ્યા શખ્સે ચોરી કરી હતી જેથી કરીને ૧૦ હજારના બાઈકની ચોરી થયેલ હોવાની ફરિયાદ નોંધાવી હતી જેના આધારે પોલીસે ગુનો નોંધીને હાલમાં ચોરાઉ બાઈક સાથે એક શખ્સની ધરપકડ કરેલ છે અને આગળની રાબેતા મુજબની કાર્યવાહી હાથ ધરી છે.

બનાવી જાણવા મળતી માહિતી મુજબ મોરબીના પંચાસર રોડ ઉપર આવેલ પ્રમુખસ્વામી સોસાયટીની પાછળ હરી દર્શન એપાર્ટમેન્ટ બ્લોક નંબર-૭૦૨ માં રહેતા ચુનીભાઇ મોહનભાઈ બોડીયા જાતે પટેલ (૪૮)એ મોરબી એ ડિવિઝન પોલીસ સ્ટેશને પ્રવીણ વિજયભાઈ મારુણિયાની સામે ચોરીની ફરિયાદ નોંધાવી હતી જેમાં તેને જણાવ્યું હતું કે મોરબીના  પંચાસર રોડ ઉપર નારણજી પેરાજી ટ્રાન્સપોર્ટની પાછળની શેરીમાં ફોરેવર સોડાના કારખાના દરવાજા પાસે તેણે પોતાનું બાઈક નંબર જીજે ૩ બીજી ૪૨૬૮ પાર્ક કરીને મૂક્યું હતું જે બાઈકની ચોરી કરવામાં આવી હતી જેથી કરીને ૧૦ હજારના બાઈકની ચોરીની ફરિયાદ નોંધાવી હતી જેના આધારે પોલીસે તપાસ શરૂ કરી હતી અને આરોપી પ્રવીણભાઈ વિજયભાઈ મારુણીયા જાતે કોળી (૧૯) રહે.ખમીસાણા રોડ વડનગર ધોડીધજા ડેમ સામે હુડકો સુરેન્દ્રનગર વાળાની ધરપકડ કરેલ છે અને તેની પાસેથી ચોરીમાં ગયેલ બાઈક કબજે કરી પોલીસ આગળની રાબેતા મુજબની કાર્યવાહી હાથ ધરી છે.