મોરબીના શાપર નજીક થયેલ ત્રિપાલ અકસ્માતમાં બસ ચાલકે નોંધાવી ટ્રક ચાલક સામે ફરિયાદ

મોરબીના ગાળા ગામથી શાપર ગામ તરફ જવાના રસ્તા ઉપરથી પસાર થતી એસટી બસને ટ્રક કન્ટેનરના ચાલકે આગળના ભાગે ભટકાવી હતી જેથી અકસ્માતો બનાવ બન્યો હતો અને અકસ્માતના આ બનાવવામાં ટ્રક અને એસટી બસના ચાલકને ઈજા થઈ હતી અને એસટી બસને ધક્કો લાગતા તે પાછળ રહેલ આવી રહેલ કારમાં અથડાતા ત્રણ વાહનો વચ્ચે અકસ્માત સર્જાયો હતો જે બનાવ સંદર્ભે હાલમાં એસટી બસના ચાલકે ટ્રક કન્ટેનરના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે

બનાવની જાણવા મળતી માહિતી મુજબ મૂળ બહાદુરગઢ ગામના રહેવાસી અને હાલમાં મોરબી નજીકના નાની વાવડી ગામે મારુતિ-૧ માં આવેલ જય મુરલીધર શેરીમાં રહેતા અને એસટી બસમાં ડ્રાઇવર તરીકે ફરજ બજાવતા દિલીપભાઈ ભગવાનભાઈ મકવાણા જાતે આહિર (૪૩)એ ટ્રક કન્ટેનર નંબર જીજે ૧૨ બીવાય ૮૪૦૪ ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યું છે કે, મોરબીના ગાળા ગામથી શાપર ગામ તરફ જવાના રસ્તા ઉપર આવેલ સોલોગ્રાસે કારખાના સામે રોડ ઉપરથી તે પોતાની હવાલા વાળી એસટી બસ નંબર જીજે ૧૮ ઝેડ ૨૮૦૨ લઈને પસાર થઈ રહ્યા હતા ત્યારે સામેથી આવી રહેલ ટ્રક કન્ટેનરમાં ચાલકે પોતાનું વાહન ગફલત ભરી રીતે ચલાવીને એસટી બસમાં આગળના ભાગે અથડાવ્યું હતું જેથી કરીને અકસ્માતનો બનાવ બન્યો હતો ત્યારે બસને પાછળની બાજુએ ધક્કો લાગતા પાછળના ભાગમાં આવી રહેલ અલટીકા કાર નંબર જીજે ૨૭ ડીબી ૩૭૩૩ માં નુકસાની થઈ હતી જોકે એસટી બસ અને ટ્રક કન્ટેનરના ચાલકને ઇજાઓ થઈ હોવાથી તેને સારવારમાં ખસેડવામાં આવ્યા હતા આ અકસ્માત સર્જાયા બાદ ટ્રક કન્ટેનર રસ્તા ઉપર રોડ સાઈડમાં પલટી મારી ગયું હતું ત્યાર બાદ ટ્રક ચાલક પોતાનું વાહન સ્થળ ઉપર મૂકીને નાસી ગયો હતો જેથી હાલમાં એસટી બસના ચાલક દ્વારા નોંધાવવા આવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે