મોરબીના પાનેલી, કાલીકાનગર, નીચીમાંડલ, ગીડચના રસ્તાના ફિરેસ્ટ વિભાગે બંધ કરતાં લોકોને હાલાકી
Morbi Today
હળવદના માણેકવાડા ગામે જુગારની રેડ પડતાં જુગારીઓમાં નાસભાગ: ચાર પકડાયા, ચાર ફરાર
SHARE
JOIN OUR GROUP
હળવદના માણેકવાડા ગામે જુગારની રેડ પડતાં જુગારીઓમાં નાસભાગ: ચાર પકડાયા, ચાર ફરાર
હળવદના માણેકવાડા ગામે માતાજીના મઢ પાસે જાહેરમાં જુગાર રમતા હતા ત્યાં પોલીસે જુગારની રેડ કરી હતી ત્યારે જુગારીઓમાં નાસભાગ મચી ગઈ હતી જો કે પોલીસે ચાર જુગારીની ૧૨,૪૦૦ ની રોકડ સાથે ધરપકડ કરી હતી અને નાસી ગયેલ ચાર આરોપીઓને પકડવા માટે તજવીજ શરૂ કરેલ છે
જાણવા મળતી માહિતી મુજબ હળવદ તાલુકાના માણેકવાડા ગામે માતાજીના મઢ પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે જુગારીઓમાં નાસભાગ મચી ગઈ હતી જો કે, પોલીસે સ્થળ ઉપરથી રાજેશભાઈ શિવાભાઈ કટોણા જાતે કોળી (૪૫), હરખાભાઈ મેરાભાઇ રાવા જાતે ભરવાડ (૨૪), નવઘણભાઈ જહાભાઈ કટોણા જાતે કોળી (૨૮) અને બુટાભાઈ ભીમાભાઇ કટોણા જાતે કોળી (૩૪) જુગાર રમતા ઝડપાઈ ગયા હતા જોકે, પોલીસને જોઈને ચંદુભાઈ જીવણભાઈ કોળી રહે. ઓળ મકાભાઈ ભરવાડ રહે. સામથેરવા, હકાભાઇ કોળી રહે. નવાગામ અને રમેશભાઈ મુંધવા રહે. સમથેરવા વાળા નાસી ગયા હોય પોલીસે પકડાઈ ગયેલા આરોપીઓ પાસેથી ૧૨,૪૦૦ ની રોકડ કબજે કરી હતી અને નાસી છૂટેલા ચાર આરોપીઓને પકડવા માટે તજવીજ શરૂ કરેલ છે
ચલણી નોટ જુગાર
મોરબીમાં જુના બસ સ્ટેશન પાસે ચલણી નોટના આધારે જુગાર રમતા હોવાની સ્થાનિક પોલીસને બાતમી મળી હતી તેના આધારે પોલીસે ત્યાં જુગારની રેડ કરી હતી ત્યારે ચલણી નોટના આધારે જુગાર રમતા ચંદુભાઈ મોતીભાઈ નગવાડિયા જાતે કોળી (૬૩) રહે. જુના બસ સ્ટેશન પાસે મોરબી આરીફભાઈ મુસ્તાકભાઈ બ્લોચ જાતે મકરાણી (૪૨) રહે. મકરાણીવાસ મોરબી વાળા મળી આવ્યા હોય પોલીસે ૨૭૦ રૂપિયાની રોકડ કબજે કરી આગળની કાર્યવાહી હાથ ધરી હતી
વરલી જુગાર
મોરબીના સનાળા રોડ ઉપર ઉમિયા સર્કલ પાસે જાહેરમાં વરલી જુગારના આંકડા લેવામાં આવતા હોવાની હકીકત મળી હતી જેના આધારે પોલીસે ત્યાં જુગારી રેડ કરી હતી ત્યારે સલીમભાઈ અકબરભાઈ સમા જાતે સિપાહી (૪૨) રહે. સિપાઈ વાસ માતમ ચોક પાસે મોરબી વાળો વરલી જુગારના આંકડા લેતા મળી આવ્યો હોય પોલીસે ૨૮૦ ની રોકડ કબજે કરી આગળની કાર્યવાહી હાથ ધરી છે
