મોરબી : વાંકાનેરના યજ્ઞપુરૂષનગર ગામે રહેણાંક મકાનમાંથી ૨૪ બોટલ દારૂ સાથે એક પકડાયો, એકની શોધખોળ
Morbi Today
મોરબી : પતિએ માર મારતા પરણીતા સારવારમાં
SHARE
JOIN OUR GROUP
મોરબી : પતિએ માર મારતા પરણીતા સારવારમાં
મોરબીના લાઈન્સનગર વિસ્તારમાં રહેતી વંદનાબેન મનીષભાઈ વાઘેલા નામની ૩૫ વર્ષીય મહિલાને તેના સસરાને ત્યાં જામખંભાળિયા ખાતે પતિ મનીષભાઈ દ્વારા માર મારવામાં આવ્યો હતો જેથી કરીને ઇજા પામેલા વંદનાબેનને અહીંની સિવિલ હોસ્પિટલે સારવાર માટે લાવવામાં આવ્યા હતા જેથી પોલીસે નોંધ કરીને તપાસ હાથ ધરેલ છે.જ્યારે માળીયા મિયાણામાં પેટ્રોલ પંપ પાસે કાર અકસ્માતનો બનાવ બન્યો હતો અને ત્યારબાદ થયેલ મારામારીમાં ઈજાઓ થતા સલીમભાઈ અકબરભાઈ મોવર નામના ૩૨ વર્ષના યુવાનને ઇજાઓ પહોંચતા તેને અહીંની ક્રિષ્ના હોસ્પિટલે સારવાર માટે ખસેડાયો હતો.
યુવાન સારવારમાં
સુરેન્દ્રનગરના ધાંગધ્રા રેલ્વે સ્ટેશન રોડ ઉપર સોલડી નજીક માધવપુર સોસાયટીમા રહેતા કિશન ડાયાભાઇ બાવળીયા નામના ૨૨ વર્ષના યુવાનને બાઇક સ્લીપ થઇ જવાના બનાવમાં ઇજાઓ પહોંચતા સારવારમાં ખસેડાયો હતો.જ્યારે મોરબીના વીસીપરામાં આવેલ કુલીનગર વિસ્તારમાં રહેતા જાકમ અલીભાઈ ભટ્ટી નામના ૪૨ વર્ષના યુવાનને તેના રહેણાંક વિસ્તાર નજીક મારામારીના બનાવમાં ઈજા પહોંચતા સારવારમાં ખસેડાયો હતો. તેમજ મોરબીના હળવદ તાલુકાના જુના દેવડીયા ગામે નર્મદા કેનાલ પાસે રતિભાઈની વાડીએ રહીને મજૂરી કામ કરતા શંકરભાઈ રાઠવા નામના ૫૨ વર્ષના આધેડ ચાલુ ટ્રેક્ટરમાંથી નીચે પડી જતા ઈજા પહોંચતા સારવારમાં મોરબીના સામાકાંઠે આવેલ શિવમ હોસ્પીટલે સારવારમાં ખસેડાયા હતા.
કારમાં આગ લાગી
મોરબીના સામાકાંઠે મહેન્દ્રનગર ગામે આવેલ પ્રભુકૃપા સોસાયટીમાં રહેતા રસિકભાઈ બચુભાઈ ઘોડાસરાએ તાલુકા પોલીસમાં જાણ કરી હતી કે, મોરબીના પીપળી રોડ ઉપર ઇટાલિકા સીરામીકના નવા બનતા સેડ નજીક તેઓની હુંડાઈ આઇ-૧૦ કાર નંબર જીજે ૨૪ એ ૯૭૬૬ ચાલુ કરવા માટે જ્યારે તેઓએ સેલ્ફ માર્યો ત્યારે કારના એન્જિનમાંથી આગ લાગવા લાગી હતી અને આગના લીધે તેઓને કારમાં નુકસાની પહોંચી હતી.
