મોરબીના ઢુવા પાસે ટ્રક ઉપરથી તાલપત્રી છોડતા સમયે પડી ગયેલ યુવાનનું મોત
Morbi Today
મોરબી : વાંકાનેરના યજ્ઞપુરૂષનગર ગામે રહેણાંક મકાનમાંથી ૨૪ બોટલ દારૂ સાથે એક પકડાયો, એકની શોધખોળ
SHARE
JOIN OUR GROUP
મોરબી : વાંકાનેરના યજ્ઞપુરૂષનગર ગામે રહેણાંક મકાનમાંથી ૨૪ બોટલ દારૂ સાથે એક પકડાયો, એકની શોધખોળ
મોરબી જીલ્લાના વાંકાનેર તાલુકા પોલીસ સ્ટાફ દ્વારા રહેણાંક મકાનમાં બાતમીના આધારે રેડ કરવામાં આવતા રહેણાંક મકાનમાંથી વિદેશી દારૂની ૨૪ બોટલો મળી આવી હતી જેથી દારૂના જથ્થા સાથે હાલમાં એક શખ્સ પકડાયો હતો અને એક ઇસમનું નામ ખુલ્યુ હોય તેને પકડવા માટે વાંકાનેર તાલુકા પોલીસ દ્વારા આગળની તજવીજ કરવામાં આવી રહી છે.
વાંકાનેર તાલુકા પોલીસના જણાવ્યા પ્રમાણે બાતમીના આધારે યજ્ઞપુરુષનગર (ગારીયા) ગામે રહેણાંક મકાનની બાજુમાં આવેલ પડતર મકાનમાં રેડ કરવામાં આવી હતી.ત્યારે પડતર મકાનમાંથી મેક ડોવેલ્સ નંબર-૧ કલેકશન વ્હિસ્કી ઓરીજનલ કાચની કંપની શીલ પેક ભારતીય પરપ્રાંત બનાવટની વિદેશી દારૂની ૨૪ બોટલો કિંમત રૂ.૯૦૦૦ નો જથ્થો તેમજ તેની સાથે સ્થળ ઉપરથી મળી આવેલા વિવેકભાઇ મંછારામભાઇ ગોંડલીયા જાતે બાવાજી (ઉ.વ.૧૯) ધંધો ડ્રાઇવીંગ રહે.યજ્ઞપુરૂષનગર (ગારીયા) તા.વાંકાનેર જી.મોરબીને પકડી પાડવામાં આવ્યો હતો અને તેની પુછપરછમાં વિશાલ મંછારામ ગોંડલીયા જાતે બાવાજી રહે.યજ્ઞપુરૂષનગર (ગારીયા) તા.વાંકાનેર જી.મોરબીનું નામ સામે આવતા બંને સામે ગુનો નોંધીને પોલીસે આગળની તપાસ હાથ ધરી છે.
મારામારીમાં ઇજા
મોરબીના નાનીવાવડી ગામે રહેતા સંજયભાઈ હરજીવનભાઈ મોરડીયા નામના ૩૭ વર્ષના યુવાનને મોરબીના પંચાસર રોડ રાજનગર વિસ્તારમાં આવેલ પટેલ ડેરીની પાસે મારામારીના બનાવમાં ઇજાઓ પહોંચી હતી જેથી તેને સિવિલે સારવારમાં ખસેડાયો હતા.હાલમાં એ ડિવિઝન પોલીસ દ્વારા આ અંગે તપાસ ચલાવવામાં આવી રહી છે.જ્યારે મોરબીના હળવદ તાલુકાના ઘનશ્યામગઢ ગામે કિરીટભાઈની વાડીએ રહીને મજૂરી કામ કરતા પરિવારનો વિશાલ દિલાવરભાઈ નરગાવા નામનો દસ વર્ષનો બાળક ગામના પાટીયા પાસેથી બાઈકમાં બેસીને જતો હતો ત્યારે તેમનું બાઈક સ્લીપ થતાં ઇજા થતા તેને શહેરના સામાકાંઠે આવેલ શિવમ હોસ્પિટલે સારવારમાં ખસેડાયો હતો.
આધેડ સારવારમાં
મોરબીના પાડાપુલ નીચે રહેતા કિશોરભાઈ બેરસિંગ સારોલીયા નામના ૫૦ વર્ષના આધેડને અજાણ્યા ઈસમ દ્વારા પાડાપુલની નીચે માર મારવામાં આવતા નાકના ભાગે ઇજાઓ થતા તેમને સિવિલ હોસ્પિટલે સારવાર માટે ખસેડાયા હતા. જ્યારે ધાંગધ્રા તાલુકાના ગુજરવદી ગામે રહેતા લીલાબેન જનકભાઈ નામની ૩૨ વર્ષીય મહિલા પોતાના ઘરેથી વાડીએ જતી હતી ત્યારે ખાંભળાના માર્ગે તઓ બાઈકમાંથી નીચે પડી જતા ઇજાઓ થતા તેમને અહિંની શિવમ હોસ્પિટલે સારવાર માટે ખસેડાયા હતા.
