મોરબીના ઈન્દીરાનગર અને લાભનગરમાં ત્રણ રેડ, જુગાર રમતા અઢારની ધરપકડ
SHARE
JOIN OUR GROUP
મોરબીના ઈન્દીરાનગર અને લાભનગરમાં ત્રણ રેડ, જુગાર રમતા અઢારની ધરપકડ
મોરબીના સામાકાંઠે આવેલા ઇન્દિરાનગર વિસ્તારમાં એક તેમજ લાભનગર વિસ્તારમાં બે જગ્યાએ એમ કુલ ત્રણ જગ્યાઓએ મોરબી સીટી બી ડિવિઝન પોલીસ સ્ટાફે રેડ કરી હતી જેમાં જુગાર રમતા ૧૮ ઈસમોની ધરપકડ કરવામાં આવી હોવાનું જાણવા મળેલ છે.
ઇન્દિરાનગર જુગાર
મોરબીના સામાકાંઠે આવેલા ઇન્દિરાનગર વિસ્તારના ખારાપાટમાં જુગાર રમાતો હોય જાહેરમાં રમાઇ રહેલા જુગારધામ ઉપર પોલીસે રેડ કરી હતી ત્યારે ત્યાંથી કિશોર કાનજી સારલા કોળી (૨૨) રહે.મોરબી-૨ ઇન્દિરાનગર ખારાપાટમાં, અજય બચુ બાણોદરા કોળી (૨૬), દશરથ મહાદેવ ઝિંઝુવાડીયા કોળી (૩૦), જયસુખ દેવજી ધામેચા કોળી (૨૩), બટુક હીરા ચાવડા કોળી (૫૫), હાસમ કરીમ જેડા મિંયાણા (૫૫), ગુગા ઉર્ફે ગગુ મોહન પાટડીયા કોળી (૩૫) અને દિનેશ લધુ ચાવડા કોળી (૫૦) રહે.બધા મોરબી-૨ શોભેશ્વર રોડ મફતીયાપરા જાહેરમાં તીનપતીનો જુગાર રમતા મળી આવ્યા હતા તેથી પોલીસે ઉપરોકત આઠેય ઇસમોની રોકડા રૂપિયા ૨૫,૩૦૦ સાથે ધરપકડ કરી જુગારધારા કલમ ૧૨ મુજબ કાર્યવાહી કરી હતી.
લાભનગર જુગાર
મોરબીના સામાકાંઠે ધરમપુર રોડ ઉપર આવેલા લાભનગર સોસાયટીમાં સીટી બી ડિવિજન પોલીસે જુદી જુદી બે જગ્યાઓએ રેડ કરી હતી. ત્યારે ત્યાંથી જુગાર રમી રહેલા દિલીપ ખેંગાર પાટડીયા કોળી (૩૨) રહે.લાભનગર સોસાયટી ધરમપુર રોડ મૂળ રહે.જાજાસર માળીયા(મિં.), ખોડા ભરત કગથરા કોળી (૧૮) રહે.લાભનગર સોસાયટી, બળદેવ રામજી સાલાણી કોળી (૨૦) રહે.લાભનગર સોસાયટી, વીરૂ ભુપત ટીડાણી કોળી (૨૩) રહે.વાણીયા માળીયા મીંયાણા અને દિનેશ અમરસી સાલાણી કોળી (૪૦) રહે.લાભનગર સોસાયટી જાહેરમાં જુગાર રમતા મળી આવતા પાંચેય પતાપ્રેમીઓની રોકડા રૂપિયા ૬,૧૦૦ સાથે ધરપકડ કરી જુગાર ધારા કલમ ૧૨ મુજબ કાર્યવાહી કરવામાં આવી હતી. તેમજ મોરબીના સામાકાંઠે ધરમપુર રોડ ઉપર આવેલ લાભનગર સોસાયટીમાં જ બીજી રેડ કરવામાં આવી હતી જેમાં જાહેરમાં જુગાર રમી રહેલા વીસુભાઈ શામજીભાઈ થરેસા કોળી (૨૭), રામજી જેરામ સાલાણી (૪૧), વિનુબેન મગન પરમાર કોળી (૩૫), ભાનુબેન શંભુ પરમાર કોળી (૩૫) અને સવિતાબેન પ્રવીણભાઈ દેગામા કોળી (૩૦) રહે.બધા લાભનગર ધરમપુર રોડ મોરબી-૨ જાહેરમાં જુગાર રમતા મળી આવતા પાંચેયની રોકડા રૂપિયા ૫,૨૬૦ સાથે ધરપકડ કરી જુગારધારા કલમ ૧૨ હેઠળ કાર્યવાહી કરવામાં આવી હતી.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
