વાંકાનેરના સરતાનપર માટેલ રોડે ડમ્પર ચાલકે હડફેટે લેતા સાયકલ સવાર યુવાનનું મોત.
Morbi Today
મોરબીના ઉંચી માંડલ પાસેથી ચાર બોટલ દારૂ સાથે એક પકડાયો.
SHARE
JOIN OUR GROUP
મોરબીના ઉંચી માંડલ પાસેથી ચાર બોટલ દારૂ સાથે એક પકડાયો.
મોરબી હળવદ હાઇવે ઉપર આવેલ ઉંચી માંડલ ગામ પાસેથી એક શખ્સ બાઇક લઈને જતો હતો તેને રોકીને પોલીસે ચેક કર્યો હતો ત્યારે તેની પાસેથી દારૂની ચાર બોટલ મળી આવી હતી જેથી પોલીસે દારૂ સાથે તેની ધરપકડ કરી હતી
મોરબી હળવદ હાઇવે ઉપર આવેલ ઉંચી માંડલ ગામ પાસેથી બાઈક લઈને પસાર થઈ રહેલા શખ્સને રોકીને પોલીસે ચેક કર્યો હતો ત્યારે તેની પાસેથી દારૂની ચાર બોટલો મળી આવી હોય પોલીસે ૧૫૦૦ રૂપિયાની કિંમતની દારૂની બોટલો તેમજ ૨૫ હજાર રૂપિયાની કિંમતનું બાઈક નંબર જીજે ૧૦ ડીસી ૭૨૩૧ ને કબજે કરેલ છે આમ કુલ મળીને ૨૬૫૦૦ ના મુદ્દામાલ સાથે પોલીસે રવિભાઈ ગોગનભાઈ બળીયાવદરા જાતે આહિર (૨૫) રહે. ઈશ્વરીયા તાલુકો જામજોધપુર જિલ્લો જામનગર વાળાની ધરપકડ કરેલ છે અને તેની પાસેથી મળી આવેલ દારૂની બોટલો તે ક્યાંથી લાવ્યો હતો તે દિશામાં તપાસ શરૂ કરવામાં આવી છે
દેશી દારૂની ભઠ્ઠી
મોરબી તાલુકાના લીલાપર ગામની સીમમાં રફાળેશ્વરથી લીલાપર તરફ જવાના રસ્તા ઉપર દેશી દારૂની ભઠ્ઠી ચાલુ હોવાની બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી કુલ મળીને દેશી દારૂ બનાવવા માટે ઉપયોગમાં લેવામાં આવતો ૫૦૦ લીટર આથો તેમજ ૫૦ લિટર દેશી દારૂ અને ગેસનો ચૂલો, ગેસના બે બાટલા સહિત અન્ય મુદ્દામાં મળીને ૪૬૫૦ ની કિંમતનો મુદ્દામાલ પોલીસે કબજે કર્યો હતો અને સ્થળ ઉપરથી વિપુલભાઈ મગનભાઈ દેગામા જાતે કોળી (૨૬), નવઘણભાઈ જેઠાભાઈ દેગામા જાતે કોળી (૨૪) અને આકાશ રમેશભાઈ છાયા જાતે કોળી (૧૯) રહે. બધા લીલાપર વાળાની પોલીસે ધરપકડ કરી હતી
દેશી દારૂની ભઠ્ઠી
મોરબીના શોભેશ્વર રોડ ઉપર આવેલ મફતીયાપરામાં રહેતા કરસનભાઈ લાભુભાઈ કોળીના ઘરે પોલીસે દારૂની રેડ કરી હતી ત્યારે ઘરમાંથી દેશી દારૂ બનાવવા માટે ઉપયોગમાં લેવામાં આવતો ૩૭૦ લીટર આથો તેમજ ગેસનો બાટલો, ગેસનું બર્નર, ગેસની નળી, ગેસનો ચૂલો અને અન્ય મુદ્દા માલ મળીને ૪૪૯૦ રૂપિયાનો મુદ્દા માલ પોલીસે કબજે કર્યો હતો અને સ્થળ ઉપરથી કરસનભાઈ લાભુભાઈ કોળી રહે. શોભેશ્વર રોડ મફતીયા પરા મોરબી વાળાની ધરપકડ કરેલ છે
