વાંકાનેરના સરતાનપર માટેલ રોડે ડમ્પર ચાલકે હડફેટે લેતા સાયકલ સવાર યુવાનનું મોત.

વાંકાનેર તાલુકાના સરતાનપર માટેલ રોડ ઉપર આવેલ સીરામીક કારખાના પાસેથી સાયકલ લઈને પસાર થતાં યુવાનની સાયકલને અજાણ્યા ડમ્પર ચાલકે હડફેટે લીધી હતી જેથી કરીને અકસ્માતનો બનાવ બન્યો હતો અને ત્યારે સાયકલ સવાર યુવાને ગંભીર ઇજા થયેલ હતી જેથી કરીને તેનું મોત નિપજ્યું હતું અને અકસ્માતના આ બનાવ સંદર્ભે વાંકાનેર તાલુકા પોલીસ સ્ટેશન ખાતે ફરિયાદ નોંધાતા પોલીસે ગુનો નોંધીને આરોપીને પકડવા માટે તજવીજ શરૂ કરલે છે. 

બનાવની જાણવા મળતી માહિતી મુજબ મૂળ એમપીના અલીરાજપુર જિલ્લાના રહેવાસી અને હાલમાં મોરબીના વાંકાનેર તાલુકાના સરતાનપર માટેલ રોડ ઉપર આવેલ કેવીન સીરામીક લેબર કોલોનીમાં રહેતા મનુભાઈ રૂપાભાઈ ડામોર જાતે આદિવાસી (૨૫) એ વાંકાનેર તાલુકા પોલીસ સ્ટેશન ખાતે અજાણ્યા ડમ્પર ચાલક સામે ફરિયાદ નોંધાવી છે જેમાં તેને જણાવ્યું છે કે સરતાનપર માટેલ રોડ ઉપર આવેલ કેવીન સીરામીકના ગેટ પાસેથી સાયકલ લઈને દીપસિંગ રામસિંગ ભૂરીયા (૨૫) પસાર થતો હતો ત્યારે તેની સાયકલને અજાણ્યા ડમ્પર ચાલકે હડફેટે લીધી હતી જેથી કરીને અકસ્માતનો બનાવ બન્યો હતો અને તેમાં ઘટના સ્થળે જ દીપસિંગ રામસિંગ ભુરીયાનું મોત નિપજ્યું હતું જેથી કરીને તેના મૃતદેહને પીએમ માટે મોરબીની શિવ હોસ્પિટલ ખાતે લઇ જવામાં આવ્યો હતો અને અકસ્માત મૃત્યુના બનાવ સંદર્ભે મનુભાઈ ડામોરની ફરિયાદ લઈને પોલીસે આગળની રાબેતા મુજબની કાર્યવાહી હાથ ધરી છે.