હળવદના બુટવડા ગામે ચારિત્રની શંકાથી કંટાળીને પરણીતાએ કરેલ આપઘાતના બનાવ પતિ સામે ગુનો નોંધાયો વાંકાનેર બાઉન્ડ્રી પાસે નજીવ વાતમાં યુવાને કડા અને પાઇપ વડે 5 શખ્સો માર માર્યો મોરબી વાંકાનેર હાઇવે રોડ ઉપર આવેલ સરતાનપર ચોકડી પાસે ટ્રકની પાછળ કાર ઘૂસી જતા બે યુવાનોના મોત ટંકારાના ઘુનડા (સ) ગામે જાહેરમાં જુગાર રમતા 6 શખ્સો 10,300 ની રોકડ સાથે પકડાયા વાંકાનેર: પત્નીએ કામમાં બારોબાર ધ્યાન આપવાનું કહેતા યુવાને ગળાફાંસો ખાઈને કર્યો આપઘાત મોરબીની સબજેલમાંથી જુદી જુદી બે જગ્યાએથી કીપેડ વાળા બે મોબાઈલ ફોન મળ્યા !: અગાઉની મળેલા 4 મોબાઈલની તપાસ ઠેરની ઠેર ? રીબડાનો રેકોર્ડ મોરબીના જેતપર ગામના ખેડૂતો બ્રેક કર્યો: ખાનગી વીજ કંપની સામે વિરોધ વ્યક્ત કરવા એક જ દિવસમાં 5,551 ખેડૂતોએ કર્યું રક્તદાન મોરબી તાલુકાનાં શાપર, જેતપર અને રંગપર અને હળવદ તાલુકાની બે શાળાઓમા વિદ્યાર્થીઓનો શાળા પ્રવેશોત્સવ યોજાયો

Breaking news

Morbi Today

મોરબી માળીયા વિધાનસભા બેઠક માટે કોંગ્રેસમાંથી કોણે કોણે માંગી ટિકિટ ?

24-09-2022 09:16 AM

મોરબી માળીયા વિધાનસભા બેઠક માટે કોંગ્રેસમાંથી કોણે કોણે માંગી ટિકિટ ?

આગામી વિધાનસભાની ચૂંટણીને ગણતરીના દિવસો જ બાકી રહ્યા છે ત્યારે મોરબી માળિયા વિધાનસભા બેઠક માટે ગઇકાલે સર્કિટ હાઉસ ખાતે કોંગ્રેસના સંભવિત ઉમેદવારો કે જેમના દ્વારા ટિકિટની માંગણી કરવામાં આવેલ છે તેની ગુજરાત કોંગ્રેસનાં સહ પ્રભારી, રાજ્યસભાના કોંગ્રેસના સાંસદ સહિતના આગેવાનો દ્વારા સેન્સ લેવામાં આવી છે જેમાં મોરબીના ૧૨ આગેવાનો દ્વારા ટિકિટની માંગણી કરવામાં આવી છે

આગામી ડિસેમ્બર મહિનામાં વિધાનસભાની ચૂંટણી યોજવાની છે જેથી પક્ષની ટિકિટ કોને આપવાથી પક્ષને ફાયદો થશે તેના માટેનું ગણિત હાલમાં પ્રદેશના આગેવાનો દ્વારા શરૂ કરવામાં આવ્યું છે અને તેના ભાગરૂપે ગઇકાલે મોરબી માળિયા વિધાનસભા બેઠક માટે કોંગ્રેસના સંભવિત ઉમેદવારો કે જેમના દ્વારા ટિકિટની માંગણી કરવામાં આવી છે તેની સેન્સ લેવાનો કાર્યક્રમ મોરબીના સર્કિટ હાઉસ ખાતે રાખવામાં આવ્યો હતો ત્યારે ગુજરાતના સહ પ્રભારી રામકિશન ઓઝા, કોંગ્રેસના રાજ્યસભાના સાંસદ નારાયણ રાઠવા તેમજ દિનેશભાઈ પરમાર દ્વારા મોરબી માળિયા વિધાનસભા બેઠક માટે ટિકિટની કોંગ્રેસ પક્ષ પાસે માંગણી કરનારા કોંગ્રેસના આગેવાનોની સેન્સ લેવામાં આવી હતી

દરમ્યાન આગામી ગુજરાત વિધાનસભાની ચુંટણી માટે મોરબી માળીયા વિધાનસભા બેઠેકના કોંગ્રેસનાં પ્રદેશના આગેવાનો દ્વારા જે સેન્સ લેવામાં આવી હતી તેમાં મોરબી માળીયા બેઠક માટે દાવેદારી નોંધાવનારા દાવેદારોમાં મોરબી જિલ્લા કોંગ્રેસનાં પ્રમુખ જયંતિભાઈ જે. પટેલ, મોરબી જિલ્લા કોંગ્રેસનાં માજી પ્રમુખ મુકેશભાઇ બી. ગામી, માળીયા તાલુકા કોંગ્રેસનાં પ્રમુખ ધર્મેન્દ્રભાઈ વિડજા, મોરબી જિલ્લા કોંગ્રેસનાં મહામંત્રી દિલીપભાઇ સરડવા, મોરબી જિલ્લા પંચાયતની બાંધકામ સમિતિના માજી ચેરમેન અમુભાઈ હુંબલ, મોરબી જિલ્લા ઓબીસી વિભાગના પ્રમુખ રાજુભાઇ આહીર, સૌરાષ્ટ્ર મેનિફેસ્ટો કમિટીના સભ્ય કે.ડી.બાવરવા, ક્રિષ્નાબેન બાવરવા, મોરબી કોંગ્રેસનાં યુવા આગેવાન દેવેન્દ્રસિંહ જાડેજા, ભાવનીક મૂછડિયા, મોરબી શહેર કોંગ્રેસનાં પ્રમુખ રાજુભાઇ કાવર અને મોરબી જિલ્લા કોંગ્રેસનાં માજી પ્રમુખ ડો.લખમણભાઈ એમ. કંજારિયાનો સમાવેશ થાય છે જો કે, પક્ષ દ્વારા પસંદગીનો કળશ કોના ઉપર ઢોળવામાં આવશે તે તો આગામી સમય જ બતાવશે