મોરબીના પીપળીયા ચાર રસ્તા પાસે લૂંટનો નિષ્ફળ પ્રયાસ, યુવાન ઇજાગ્રસ્ત
Morbi Today
મોરબી નજીક રસ્તામાં ખાડો આવતા ટ્રેક્ટરમાંથી નીચે પટકાયેલ બાળકી ઉપર તોતિંગ વ્હીલ ફરી વળતાં મોત
SHARE
JOIN OUR GROUP
મોરબી નજીક રસ્તામાં ખાડો આવતા ટ્રેક્ટરમાંથી નીચે પટકાયેલ બાળકી ઉપર તોતિંગ વ્હીલ ફરી વળતાં મોત
મોરબી શહેર અને જિલ્લાના જુદા જુદા વિસ્તારમાં રોડ રસ્તામાં ખાડા હોવાના કારણે અવારનવાર નાના મોટા અને જીવલેણ અકસ્માતો સર્જાતા હોય છે આવી જ રીતે મોરબી તાલુકાના બગથળા ગામે ટ્રેક્ટર લઈને જઈ રહેલ યુવાન સાથે તેની દીકરી ટ્રેક્ટરના પંખા ઉપર બેઠી હતી ત્યારે રસ્તામાં ખાડો આવતા ટ્રેક્ટરના પંખા ઉપર બેઠેલ બાળકી નીચે પડી ગઈ હતી અને ટ્રેક્ટરનું વ્હીલ તેના ઉપરથી ફરી વળતા પાંચ વર્ષની બાળકીનું ઘટના સ્થળે જ મોત નીપજયું હતું અને હાલમાં મૃતક બાળકીની માતાએ ટ્રેક્ટર ચાલક બાળકીના પિતા સામે ફરિયાદ લઈને પોલીસે ગુનો નોંધીને આગળની કાર્યવાહી હાથ ધરી છે
બનાવની જાણવા મળતી વિગત પ્રમાણે મૂળ મધ્યપ્રદેશના રહેવાસી અને હાલમાં બગથળા ગામે રહીને મજૂરી કામ કરતા રાયદાબાઈ પ્યારસિંહ ડાવર જાતે આદિવાસી (૩૫) એ તેના પતિ પ્યારસિંહ નરસિંગ ડાવર જાતે આદિવાસી (૩૫) ની સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેણે જણાવી છે કે બગથળા ગામે અંકાસર હનુમાનજીના રસ્તે જવાના રસ્તા ઉપરથી તેના પતિ એચએમટી કંપનીનું ટ્રેક્ટર લઈને પસાર થઈ રહ્યા હતા ત્યારે રસ્તામાં ખાડો આવતા ટ્રેક્ટરમાં ફરિયાદીના પતિની સાથે બેઠેલ તેની દીકરી જ્યોતિબેન પ્યારસિંહ ડાવર (૫) ટ્રેક્ટરના પંખા ઉપરથી નીચે પડી ગઈ હતી અને ત્યારે તેના ઉપર ટ્રેક્ટરનું વ્હીલ ફરી વળતાં માથામાં ગંભીર ઇજા થવાના કારણે બાળકીનું ઘટના સ્થળે મોત નીપજયું હતું અને અકસ્માત મૃત્યુના આ બનાવમાં મૃતક બાળકીની માતાની ફરિયાદ લઈને પોલીસે ટ્રેક્ટર ચાલક બાળકીના પિતાની સામે ગુનો નોંધી રાબેતા મુજબની કાર્યવાહી હાથ ધરી છે
