હળવદની શાળા નં-૪ ના બે બાળકો જિલ્લા કક્ષાએ કલા મહોત્સવ ઝળકશે
SHARE
JOIN OUR GROUP
હળવદની શાળા નં-૪ ના બે બાળકો જિલ્લા કક્ષાએ કલા મહોત્સવ ઝળકશે
હળવદ-સમગ્ર દેશમાં જ્યારે આઝાદીનું અમૃત વર્ષ એટલે કે આઝાદી મળ્યાને ૭૫ વર્ષ પુરા થઈ રહ્યા છે અને ઠેર ઠેર તેના વધામણાં થઈ રહ્યાં છે ત્યારે હળવદ તાલુકા કક્ષાનો કલા મહોત્સવ ઉજવાયો હતો આ કલા મહોત્સવમાં સરકારી અને ખાનગી શાળાના જે બાળકો અગાઉ હળવદ તાલુકાના કુલ ૧૦ જેટલા સી.આર.સી. કેન્દ્રોમાં પ્રથમ નંબરે આવેલ હતા તે તમામ બાળ કલાકારોએ તાલુકા કક્ષાની કુલ ચાર સ્પર્ધાઓમાં ભાગ લીધો હતો. જેમાં ગાયન, વાદન, ચિત્ર સ્પર્ધા અને બાળ કવિની સ્પર્ધાનું આયોજન થયેલ હતું.જેમાં ચિત્ર સ્પર્ધામાં પ્રથમ ધો.૮ ની શિવાની મહેશભાઈ ચાવડા, ગાયન સ્પર્ધામાં પ્રથમ ધો.૮ નો ગૌરવ રમેશભાઈ રાઠોડ, બાળ કવિમાં તૃતિય ધો. ૭ ની વરમોરા ધ્રુવી જીતેન્દ્રભાઈ વિજેતા થયેલ છે જેથી પ્રથમ આવેલા બાળકોને રોકડ પુરસ્કાર અને પ્રમાણપત્રો એનાયત કરવામાં આવ્યા હતા. હવે તા ૧૫ ના રોજ જિલ્લા કક્ષાના કલા મહોત્સવમાં આ બાળકો ભાગ લેશે જેથી કરીને શાળા પરિવાર તથા તાલુકા પ્રાથમિક શિક્ષણ અધિકારી દીપાબેન અને તાલુકા બી.આર.સી મિલનભાઈએ તમામ બાળકોને શુભેચ્છાઓ પાઠવી હતી.
