મોરબીના આમરણ ગામે ગૌશાળામાં લંમ્પીથી મૃત્યુ પામેલ ગૌવંશને સમાધિ અપાઇ
Morbi Today
મોરબીની ગીતાંજલી વિદ્યાલયમાં જીએસટી ચૂંટણી માટે મતદાન યોજાયું
SHARE
JOIN OUR GROUP
મોરબીની ગીતાંજલી વિદ્યાલયમાં જીએસટી ચૂંટણી માટે મતદાન યોજાયું
મોરબીની ગીતાંજલી વિદ્યાલયમાં જીએસની નિમણૂક માટે શાળા પંચાયત સામાન્ય ચૂંટણી-૨૦૨૨ નું આયોજન કરવામાં આવ્યુ હતુ.જેના માટે શાળાના તમામ વિદ્યાર્થીઓ તેમજ શિક્ષક મિત્રો દ્વારા મતદાન કરવામાં આવ્યું હતુ.
ચૂંટણી પ્રક્રિયાથી તમામ વિદ્યાર્થીઓ માહિતગાર થાય તે હેતુથી તથા વિદ્યાર્થીઓમાં નેતૃત્વ શક્તિનો વિકાસ થાય તે હેતુને ધ્યાને રાખીને ગત તા.૨૧ ના રોજ શાળના એમડી રૂપલબેના પનારાના માર્ગદર્શન હેઠળ માધ્યમિક તથા ઉ.મા.શાળાના આચાર્ય એચ.જી.ઉભડીયા તથા પ્રાથમિક શાળાના આચાર્ય ડી.પી.કંઝારીયા દ્રારા ગીતાંજલી શાળા પંચાયતની ચૂંટણી યોજવા માટેનું વિધિવત જાહેરનામું પ્રસિધ્ધ કરી સમગ્ર ચૂંટણી કાર્યક્રમ જાહેર કરવામાં આવ્યો હતો.વિદ્યાર્થીઓને પ્રિન્ટેડ ઉમેદવારી પત્રક ભરીને જમા કરાવવાનો, ઉમેદવારી ફોમ પરત ખેંચવાનો, ફોર્મ ચકાસણી, મતદાનનો સમય અને તારીખ તથા પરીણામની તારીખ જાહેર કરવામાં આવી હતી.પ્રાથમિક વિભાગના ૮ તથા મા. અને ઉ.મા. વિભાગના ૪ એમ કુલ-૧૨ વિદ્યાર્થીઓ દ્વારા ચૂંટણીમાં ઉમેદવારી નોંધાવવામાં આવી હતી.તમામ ઉમેદવારોને નિશાન ફાળવવામાં આવ્યા હતા.લોકશાહી ઢબે પ્રચારનો સમય આપવામાં આવ્યો હતો.સમુહપ્રાર્થના તથા દરેક વર્ગમાં જઇ દરેક ઉમેદવારે પોતીનો પ્રચાર કર્યો હતો.તમામ શિક્ષકમિત્રોએ ચુંટણી માટેની તમામ વ્યવસ્થા ઉમદા રીતે કરી હતી.મતદાન માટે ધોરણ ૧૦-૨ના વિદ્યાર્થીઓમાંથી જ બુથ અધિકારી, પ્રિસાઈડીંગ અધિકારી, પૉલીસ અધિકારી, મતદાન ઍજન્ટની નિયુક્ત કરવામાં આવી હતી.નિયત તા.૨૮-૭ ના રોજ શાંતિપૂર્ણ અને મતદાનની ગુપ્તતા અને ગંભીરતા જળવાય તે રીતે વિદ્યાર્થીઓ તથા શિક્ષકમિત્રો દ્વારા ઉત્સાહપૂર્વક બેલેટ પેપરથી મતદાન કરવામાં આવ્યું હતુ.મતદાન પેટી વિધિવત રીતે સીલ કરવામાં આવી હતી.
આમ ,વિદ્યાર્થીઓને ઉમેદવારીનો અને મતદાનનો એક ઉમદા અનુભવ પૂરો પાડી ભવિષ્યમાં તાલુકા, જિલ્લા, રાજ્ય કે રાષ્ટ્ર લેવલે ઉમદા નેતૃત્વ પ્રદાન કરી શકાય એ હેતુને ચરિતાર્થ કરવા સમગ્ર શિક્ષકમિત્રોએ ભારે જહેમત ઉઠાવી હતી.તથા શાળાના બાળકોને લોકશાહી પધ્ધતિથી ચૂંટણી કેવી રીતે થાય છે તે અંગેની જાગૃતિ લાવવાના શુભ આશય સાથે તેમજ બાળકોના સામાજિક વિજ્ઞાનના અભ્યાસક્રમ અંતર્ગત મતદાન પ્રક્રિયા કેવી રીતે થતી હોય છે તેનું પ્રાયોગિક જ્ઞાન આપવાના હેતુસર શાળાના મેદાનમાં મતદાન મથક પણ ઊભું કરીને વાસ્તવિક મતદાન થકી બાળકો મતદાન કરાવી ચૂંટણી પ્રક્રિયાનો અનુભવ કરાવવામાં આવ્યો હતો.
