મોરબીમાં પોલીસની એપ્લીકેશનમાં માહિતી અપલોડ ન કરનારા કોન્ટ્રાક્ટર સામે ગુનો નોંધાયો
SHARE
JOIN OUR GROUP
મોરબીમાં પોલીસની એપ્લીકેશનમાં માહિતી અપલોડ ન કરનારા કોન્ટ્રાક્ટર સામે ગુનો નોંધાયો
મોરબી જિલ્લામાં આવેલા ઔદ્યોગિક વિસ્તારમાં રોજગારી માટે આવતા મજૂરોનો ડેટા રાખવા માટે થઈને મોરબી એસયોર્ડ નામની એપ્લિકેશન પોલીસ દ્વારા બનાવવામાં આવી છે જેમાં કોન્ટ્રાક્ટરે તેની પોતાની તેમજ તેના મજૂરોની વિગતો અપલોડ કરી ન હતી જેથી કરીને જિલ્લા કલેકટરના જાહેરનામાના મોરબી તાલુકા પોલીસ સ્ટેશન ખાતે એક કોન્ટ્રાક્ટર સામે ગુનો નોંધાયો છે
જાણવા મળતી વિગત પ્રમાણે મોરબી જિલ્લામાં રોજગારી મેળવવા માટે થઈને ગુજરાતના જુદા જુદા જિલ્લાઓમાંથી તેમજ દેશના જુદા જુદા રાજ્યોમાંથી ઘણા લોકો પોતાના પરિવાર સાથે આવતા હોય છે અને તે તમામ લોકોનો ડેટા રાખી શકાય તે માટે પોલીસ વિભાગ દ્વારા મોરબી એસયોર્ડ નામની એપ્લિકેશન બનાવવામાં આવી છે અને તેમાં જે તે વ્યક્તિ કે કોન્ટ્રાક્ટરે તેની પોતાની તેમજ તેની સાથે કામ કરતાં માણસોની આઈડી પ્રૂફ સાથેની માહિતી અપલોડ કરવાની થતી હોય છે જોકે મોરબીના બેલા ગામ પાસે ખોખરા હનુમાન રોડ ઉપર આવેલ એવેન્જર સીરામીક કારખાનામાં કામ કરતા દેવીપ્રસાદ ઉર્ફે દેવરાજ પુરણલાલ સેન જાતે વાણંદ (ઉંમર ૨૫) રહે, હાલ એવેન્જર સીરામીક મૂળ રહે. મધ્યપ્રદેશ વાળાએ પોતાની કે પછી તેની નીચે કામ કરતા માણસોની કોઈ પણ જાતની માહિતી કે આધાર પુરાવા મોરબી એસયોર્ડ નામની એપ્લિકેશનમાં આપ્યા ન હતા જેથી તેની સામે જિલ્લા કલેકટરના જાહેરનામાના ભંગનો ગુનો નોંધીને પોલીસે આગળની કાર્યવાહી હાથ ધરી છે
