હળવદના ટીકર ગામે વાડીએ ઇલેક્ટ્રીક શોટ લગતા યુવાનનું મોત

હળવદ તાલુકાના ટીકર ગામની સીમમાં મજૂર યુવાનને ઇલેક્ટ્રીક શોટ લાગ્યો હતો જેથી કરીને તે યુવાનનું ઘટના સ્થળે જ મોત નીપજયું હતું ત્યારબાદ તેના મૃતદેહને પીએમ માટે હળવદની સરકારી હોસ્પિટલ ખાતે ખસેડવામાં આવ્યો હતો અને અકસ્માત મૃત્યુના બનાવની હળવદ તાલુકા પોલીસની જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી હતી

બનાવની જાણવા મળતી વિગત પ્રમાણે હળવદ તાલુકાના ટીકર ગામની સીમમાં આવેલ આનંદભાઈ ઓધવજીભાઈ એરવાડિયાની વાડીએ રહીને મજૂરી કામ કરતા ચંદુભાઈ મોહનભાઈ રાઠવા જાતે આદિવાસી (ઉંમર ૨૬) ને વાડીએ ઇલેક્ટ્રીક શોટ લાગ્યો હતો જેથી તેનું ઘટના સ્થળે જ મોત નીપજ્યું હતું ત્યારબાદ તેના મૃતદેહને પીએમ માટે હળવદની સરકારી હોસ્પિટલ ખાતે ખસેડવામાં આવ્યો હતો અને આ બનાવની હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી

બે બોટલ દારૂ

મોરબી શહેરના લીલાપર રોડ ઉપર આવેલ ઓમકાર રેસીડેન્સી પાસેથી પસાર થતા શખ્સને રોકીને પોલીસે ચેક કર્યો હતો ત્યારે તેની પાસેથી દારૂની બે બોટલો મળી આવી હતી જેથી પોલીસે ૬૦૦ રૂપિયાની કિંમતની દારૂની બોટલો કબજે કરીને હાર્દિક ઉર્ફે મદન પ્રભુભાઈ ગજરા જાતે ભાનુશાળી (ઉંમર ૨૦) રહે. વજેપર શેરી નં-૧૧ વાળાની ધરપકડ કરેલ છે અને તેની પાસેથી મળી આવેલ દારૂની બોટલો તે ક્યાંથી લાવ્યો હતો તે દિશામાં તપાસ શરૂ કરવામાં આવી છે