માળિયા-મિયાણાના ભેલા-બરાર વચ્ચે ડમ્પરના ચાલકે છકડો રિક્ષાને હડફેટે લેતા ઉપલેટાના આધેડનું મોત
Morbi Today
મોરબીના થોરાળા પાસે કારખાનાની લેબર કોલોનીમાં પહેલા માળે વીજશોક લગતા બાળકનું મોત
SHARE
JOIN OUR GROUP
મોરબીના થોરાળા પાસે કારખાનાની લેબર કોલોનીમાં પહેલા માળે વીજશોક લગતા બાળકનું મોત
મોરબીના થોરાળા ગામના પાટિયા પાસે આવેલ કારખાનામાં લેબર કોલોનીમાં પહેલા માળ ઉપર ૧૦ વર્ષના બાળકને વીજકરંટ લાગ્યો હતો જેથી કરીને તેનું ઘટના સ્થળે જ મોત નીપજયું હતું ત્યાર બાદ તેના મૃતદેહને મોરબી સિવિલ હોસ્પિટલ ખાતે ખસેડવામાં આવ્યો હતો અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી
બનાવની જાણવા મળતી વિગત પ્રમાણે મોરબી તાલુકાના થોરાળા ગામના પાટીયા પાસે આવેલ માઇકો કારખાનામાં રહેતા અને ત્યાં મજૂરી કામ કરતા પપ્પુભાઈ ભીલ લેબર કોલોનીમાં નીચેના ભાગે વેલ્ડીંગ કામ કરી રહ્યા હતા ત્યારે ઉપરના ભાગે તેનો દીકરો રાહુલ (ઉંમર ૧૦) ચડી ગયો હતો અને ત્યાં તેને કોઈ કારણોસર વિજશોક લાગ્યો હતો જેથી રાહુલનું ઘટનાસ્થળ પર જ મોત નીપજયું હતું ત્યારબાદ તે બાળકના મૃતદેહને પીએમ માટે મોરબી સિવિલ હોસ્પિટલ ખાતે ખસેડવામાં આવ્યો હતો અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી હતી
અકસ્માતમાં ઇજા
મોરબી તાલુકાના જાંબુડિયા ગામ પાસે આવેલ કેડા સિરામિકના લેબર કવાર્ટરના નજીક અકસ્માતના બનાવમાં શુભમ બબલુભાઈ ભાલા નામના પાંચ વર્ષીય બાળકને ઈજા થઈ હોવાથી તેને સારવાર માટે મોરબીના સામાકાંઠા વિસ્તારમાં આવેલ સમર્પણ હોસ્પિટલ ખાતે ખસેડવામાં આવ્યો હતો અને અકસ્માતના બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરેલ છે
મારામારીમાં ઇજા
હળવદ તાલુકાના રણછોડગઢ ગામે રહેતા મહેશ કરસનભાઈ સરૈયા જાતે કોળી (ઉમર ૨૫)ને તેના ઘર પાસે થયેલ મારામારીના બનાવમાં ઈજાઓ થઈ હતી જેથી મહેશભાઈ કરસનભાઈને સારવાર માટે મોરબી સિવિલ હોસ્પિટલ ખાતે ખસેડવામાં આવ્યા હતા અને મારામારીના બનાવની હળવદ તાલુકા પોલીસને જાણ કરવા માટેની કવાયત કરવામાં આવેલ છે
