વાંકાનેરના જેતપરડા ગામે મજૂરોને ધમકાવનારા શખ્સને સમજાવવા ગયેલા યુવાનને મારમાર્યો
Morbi Today
મોરબીના રણછોડનગરમાં જમાઈને સમજાવવા ગયેલા સસરા અને સાળા ઉપર જીવલેણ હુમલો
SHARE
JOIN OUR GROUP
મોરબીના રણછોડનગરમાં જમાઈને સમજાવવા ગયેલા સસરા અને સાળા ઉપર જીવલેણ હુમલો
મોરબીનાં રણછોડનગરમાં રહેતી દિકરીને સંતાન બાબતે જમાઈ સાથે અવારનવાર બોલાચાલી થતી હતી જેથી કરીને દીકરીના પિતા અને તેનો ભાઈ જમાઈને સમજવા માટે ગયા હતા ત્યારે ઉશ્કેરાયેલા જમાઇએ તેના સસરા અને સાળા ઉપર છરી વડે હુમલો કર્યો હતો અને જેથી તે બંનેને ઇજાઓ થઇ હોવાથી પ્રાથમિક સારવાર મોરબીમાં આપ્યા બાદ વધુ સારવાર માટે રાજકોટ લઇ જવામાં આવ્યા હતા અને હાલમાં ભોગ બનેલા સસરાએ તેના જમાઈની સામે જીવલેણ હુમલો અને જાનથી મારી નાખવાની ધમકી આપી હોવાની ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી વિગત પ્રમાણે મોરબીના વીસીપરા વિસ્તારની પાછળના ભાગમાં આવેલ મદીના સોસાયટીમાં રહેતા ફતેમહમદભાઇ અલ્લારખાભાઇ ખોડ જાતે મુસ્લીમ મિયાણા (૬૫) એ હાલમાં મોરબી સીટી બી ડિવિઝન પોલીસ સ્ટેશન ખાતે તેના જમાઈ ઈમરાનભાઈ હનીફભાઇ જેડા રહે. રણછોડનગર વાળાની સામે ફરિયાદ નોંધાવેલ છે જેમાં તેણે જણાવ્યું છે કે તેઓની દીકરી સલમાબેન અને જમાઈ ઇમરાનની વચ્ચે બાળકો બાબતે વારંવાર બોલાચાલી થતી હતી જેથી કરીને તે બાબતે સમજાવવા માટે તેઓ તેના દીકરા આસિફ (૨૪)ને સાથે લઈને ગયા હતા ત્યારે ઇમરાનને તે બાબતે તારું નહી લાગતા તેણે આવેશમાં આવીને પોતાની પાસે રહેલ છરી વડે તેના સસરા અને સાળા ઉપર છરી વડે જીવલેણ હુમલો કર્યો હતો અને ગાળો આપીને જાનથી મારી નાખવાની ધમકી આપી હતી જેથી ઇજા પામેલા આસિફ અને ફરિયાદી ફતેમહમદભાઇને સારવારમાં ખસેડવામાં આવ્યા હતા અને હાલમાં જમાઈની સામે ઇજા પામેલા સસરાએ ફરીયાદ નોંધાવતા પોલીસે ગુનો નોંધીને આરોપીને પકડવા માટે લઈને તજવીજ શરૂ કરેલ છે
દેશી દારૂની ભઠ્ઠી
માળીયા તાલુકાના કાજરડા ગામની સીમમાં દાતારની જાડીમાં દેશી દારૂ બનાવવા માટેની ભઠ્ઠી ચાલુ હોવાની બાતમી મળી હતી જેના આધારે પોલીસે ત્યાં રેડ કરી હતી ત્યારે દેશી દારૂ બનાવવા માટે ઉપયોગમાં લેવામાં આવતો ૨૫૦ લીટર આથો તેમજ તૈયાર ૧૦ લિટર દેશી દારૂ અને અન્ય સાધનો મળીને કુલ ૭૦૦ રૂપિયાના મુદ્દામાલ કબજે કરી પોલીસે ઇશાકભાઈ કાળુભાઈ સઘવાણી રહે. ભોળી વાંડ વિસ્તાર કાજરડા વાળાની ધરપકડ કરી આગળની કાર્યવાહી હાથ ધરી હતી
