મોરબીના લખધીરપુર રોડ ઉપરથી પરપ્રાંતીય મજૂરની કોહવાયેલી લાશ મળી
Morbi Today
માળીયાના વિદરકા પાસે થયેલા અકસ્માતમાં બોલેરો ચાલકનું મોત
SHARE
JOIN OUR GROUP
માળીયાના વિદરકા પાસે થયેલા અકસ્માતમાં બોલેરો ચાલકનું મોત
મોરબીના માળિયા મીંયાણા તાલુકામાં આવેલા વિદરકા ગામના પાટિયા પાસે ગયા ચોથા મહિનામાં અકસ્માતનો બનાવ બન્યો હતો જે બનાવમાં સારવાર દરમિયાન તુફાન બોલેરોના ચાલકનું મોત નિપજયું હતું. જે અંગે ફરિયાદ નોંધાવવામાં આવતા પોલીસે તપાસ હાથ ધરી છે.
માળીયા મીંયાણા પોલીસ સૂત્રો પાસેથી મળતી માહિતી મુજબ માળીયા નેશનલ હાઈવે ઉપર વિદરકા ગામના પાટિયા પાસેની ડીસન્ટ હોટલ નજીક ગત તા.૨૯-૪-૨૧ ના રાત્રીના ત્રણેક વાગ્યાના અરસામાં વાહન અકસ્માતનો બનાવ બન્યો હતો જેમાં આઇ-૨૦ કાર નંબર જીજે ૧૦ બીઆર ૭૭૧૫ ના ચાલકે પુરઝડપે તેની કાર ચલાવીને બોલેરો તુફાન સાથે પોતાનું વાહન અથડાવ્યુ હતું.જેથી એમપી ૪૮ સી ૨૫૬૮ નંબરના તુફાન બોલેરોના ડ્રાઈવર કરણ ગુલાબસિંગ રાજપુત નામના યુવાનને માથાના અને શરીરના ભાગે ઇજાઓ થતા તેને એમપી લઇ જવાયો હતો જયાં સારવારમાં દરમિયાન કરણસિંગ રાજપુતનું મોત નીપજ્યું હતું અને એમપીના મુલતાઇ પોલીસ સ્ટેશનેથી તપાસના કાગળો મોડા આવતા ગઈ કાલ તા.૧૧-૭ ના રોજ ઉપરોક્ત વાહન અકસ્માતના બનાવની ફરિયાદ નોંધાવા પામી હતી. જેમાં રૂબીસિંગ સમરત કાવડે ગૌંડ રહે.કયુલેક્ષ ટાઇલ્સ માળીયા નામના કારખાનાની ઓરડીમાં મૂળ સોમલાપુર તા.મુલતાઇ.જી.બેતુલ મધ્યપ્રદેશ વાળાએ ઉપરોક્ત નંબરની આઇ-ટ્વેન્ટી કાર નંબર જીજે ૧૦ બીઆર ૭૭૧૫ ના ચાલક વિરુદ્ધ ફરિયાદ નોંધાવતા હાલમાં માળીયા પોલીસ મથકના હેડ કોન્સ્ટેબલ વસંત વઘેરા તપાસ ચલાવી રહ્યા છે.
વાહન અકસ્માતમાં ઈજા
મોરબીના વીસીપરામાં આવેલા રોહીદાસપરામાં રહેતા જેન્તીભાઈ પ્રેમજીભાઈ પુરાણી નામનો ૪૩ વર્ષનો યુવાન મોટરસાઇકલની પાછળ બેસીને પીપળી રોડ ઉપરથી જતો હતો ત્યાં રસ્તામાં રેંજ સિરામીકની પાસે આવેલ સીએનજી પેટ્રોલ પંપ પાસે થયેલ વાહન અકસ્માતના બનાવમાં ઈજાઓ થતાં જયંતીભાઈ પુરાણીને ક્રિષ્ના હોસ્પિટલે લઈ જવાયા હતા.
ઝેરી દવા પી લેતા મહિલા સારવારમાં
મોરબીના જેતપર રોડ ઉપર આવેલા પાવડીયારી નજીકના કજરીયા સેનેટરી નામના કારખાના પાસે રહીને ત્યાં મજૂરી કામ કરતી મંજુબાઇ બાલુસિંગ પરમાર નામની ૩૫ વર્ષીય મહિલાએ કોઇ કારણોસર ઝેરી દવા પી લેતાં તેને સારવારમાં ખસેડવામાં આવી હતી બનાવને પગલે તાલુકા પોલીસ મથકના આર.બી.વ્યાસે તપાસ હાથ ધરી છે.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
