વાંકાનેરની કન્યા વિદ્યાલયમાં પ્રાકૃતિક માહોલમાં વિદ્યાર્થીઓને પ્રત્યક્ષ શિક્ષણ
Morbi Today
મોરબીના રવાપરમાં ત્રીજા માળેથી નિચે પટકાયેલ યુવાન સારવારમાં ખસેડાયો
SHARE
JOIN OUR GROUP
મોરબીના રવાપરમાં ત્રીજા માળેથી નિચે પટકાયેલ યુવાન સારવારમાં ખસેડાયો
મોરબીના રવાપર-ઘુનડા રોડ ઉપર આવેલા એપાર્ટમેન્ટના ત્રીજા માળેથી પડી જતા યુવાનને સારવારમાં ખસેડાયો છે.
મોરબી સીટી એ ડીવીઝન પોલીસ સૂત્રોમાંથી મળતી માહિતી મુજબ રવાપર-ઘુનડા રોડ પર આવેલા સિદ્ધિવિનાયક પાર્કમાં એપાર્ટમેન્ટના ત્રીજા માળની છતે સુતેલ અર્જુન માવસિંગ નામનો ૨૪ વર્ષનો યુવાન મોડી રાત્રીના બે વાગ્યાના અરસામાં ઊંઘમાં ત્રીજા માળેથી નીચે પડી ગયો હતો જેથી તેને સારવાર માટે અહીંની ક્રિષ્ના હોસ્પિટલે લાવવામાં આવ્યો હોવાનું જાણવા મળેલ છે.
દવા પીતા યુવાન સારવારમાં
વાંકાનેરના પંચાસર રોડ ઉપર આવેલ મહાદેવનગર વિસ્તારમાં રહેતા ભાવેશ ભુવનભાઈ ગોસાઈ નામના ૩૩ વર્ષના યુવાને ગત મોડીરાત્રીના લુણસર ચોકડી પાસે કોઈ કારણોસર ઝેરી દવા પી લેતા ભાવેશ ગોસાઇને સારવાર માટે અહીંની મંગલમ હોસ્પિટલે લાવવામાં આવ્યો છે.જે અંગે મોરબી એ ડીવીઝન પોલીસ મથકના વી.પી.છાસીયાએ પ્રાથમીક તપાસ કરીને બનાવ અંગે વાંકાનેર પોલીસને જાણ કરી હોવાનું જાણવા મળેલ છે. જ્યારે મોરબી તાલુકાના માણેકવાડા ગામે રહેતો જયેશ બાબુભાઈ બારૈયા નામનો ૧૫ વર્ષનો બાળક વાડીએ અચાનક બેભાન થઇ જતાં તેને સારવાર માટે રાજકોટ ખસેડાયો હતો.
પિતા-પુત્રી સારવારમાં
મોરબીના જડેશ્વર ગામે રહેતા વાલજીભાઈ મોતીભાઈ કોડી નામનો ૨૩ વર્ષીય યુવાન તેની ચાર વર્ષની દીકરી કિંજલને બાઈકમાં બેસાડીને મોરબીના કંડલા બાયપાસ આરટીઓ બ્રિજ નજીક યોગેશ્વર સ્ટીલ પાસેથી જતો હતો જ્યાં તેને વાહન અકસ્માતના બનાવમાં ઈજા થતાં બંનેને મોરબીની સિવિલ હોસ્પિટલે લાવવામાં આવ્યા હતા. કિંજલને વધુ સારવાર માટે રીફર કરવામાં આવી હોય હાલ મોરબી તાલુકા પોલીસ મથકના એમ.એલ.બારૈયાએ આગળની તપાસ છે.
વૃદ્ધ સારવારમાં
મોરબીના શનાળા રોડ યદુનંદન સોસાયટી કેનાલ પાસે રહેતા થોભણભાઇ ત્રિભોવનભાઇ કૈલા નામના ૭૯ વર્ષિય વૃદ્ધાને સામાકાંઠે નટરાજ ફાટક પાસે આવેલ પોલીસ ચોકી નજીક બે બાઇક અથડાવાના બનાવમાં ઇજાઓ થવાથી તેમને અહિંની ખાનગી હોસ્પિટલમાં સારવાર માટે લાવવામાં આવ્યા હોય પોલીસે તપાસ હાથ ધરી છે.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
