મોરબીમાં વૃદ્ધને હનીટ્રેપમાં ફસાવનાર બે મહિલા જેલ હવાલે: મુખ્ય સૂત્રધાર સહિત ચારના બે દિવસના રિમાન્ડ મંજૂર
SHARE
JOIN OUR GROUP
મોરબીમાં વૃદ્ધને હનીટ્રેપમાં ફસાવનાર બે મહિલા જેલ હવાલે: મુખ્ય સૂત્રધાર સહિત ચારના બે દિવસના રિમાન્ડ મંજૂર
મોરબીના વૃદ્ધને હનીટ્રેપમાં ફસાવીને તેની પાસેથી ૨૨ લાખ રૂપિયા પડાવવામાં આવ્યા હતા જેની વૃદ્ધે મોરબી બી ડિવિઝન પોલીસ સ્ટેશને ફરિયાદ નોંધાવી હતી જેના આધારે એલસીબીની ટીમે બે મહિલા સહિત છ આરોપીઓની ધરપકડ કરેલ હતી અને તે આરોપીઓને રિમાન્ડની માંગણી સાથે કોર્ટમાં રજૂ કરવામાં આવ્યા હતા ત્યાર બાદ બે મહિલાને જેલ હવાલે કરવામાં આવી છે અને ચાર આરોપીના બે દિવસના રિમાન્ડ મંજૂર કરવામાં આવેલ છે
મોરબીના રવાપર રોડ ઉપર આવેલ ઉમીયાચોકમાં કિંગ પેલેસના ફલેટ નં.૫૦૨ માં રહેતા રામજીભાઇ હરીભાઇ પરેચા જાતે પટેલ (ઉ-૬૮)ને બે મહિલા સહિત છ શખ્સો દ્વારા શિકાર બનાવવા આવ્યા હતા અને તેની પાસેથી એક કરોડ રૂપિયાની માંગણી કરીને ૨૨ લાખ રૂપિયા પડાવવામાં આવ્યા હતા જેથી ભોગ બનેલા વૃદ્ધે મોરબી બી ડિવિઝન પોલીસ સ્ટેશને ફરિયાદ નોંધાવી હતી તેના આધારે પોલીસે હાલમાં દિલીપભાઇ કાંતિલાલ મિસ્ત્રી (૩૫) રહે. રામેશ્વર હાઇટસ, રામધન આશ્રમ સામે, મહેન્દ્રનગર, મોરબી, અંકિતભાઇ ઉર્ફે ગટુ દિનેશભાઇ નાગલા જાતે આહિરા વાણંદ (૨૭) રહે. વૃંદાવન-૨ ગોંડલ, પ્રશાંત ઉર્ફે લાલો પ્રવિણભાઇ રેણુકા જાતે બારોટ (૩૨) રહે. આમણિયા જિલ્લો વ્યારા, અનિલ ઉર્ફે દેવો વિનુભાઇ બોરાણા જાતે રાવળ (૩૨) રહે. ચોટીલા, ગીતાબેન ઉર્ફે રીન્કુબેન અંકિતભાઇ નાગલા જાતે આહિરા વાણંદ (૩૫) રહે. વૃંદાવન-૨ ગોંડલ, અને ઉષાબેન સંજયભાઈ પટેલ (૪૦) રહે. રામેશ્વર રાજકોટ વાળાની ધરપકડ કરેલ હતી આ આરોપીઓને રિમાન્ડની માંગણી સાથે કોર્ટમાં રજૂ કરવામાં આવ્યા હતા ત્યારે બે મહિલા આરોપીને જેલ હવાલે કરવા માટેનો હુકમ કરવામાં આવ્યો છે અને મુખ્ય સૂત્રધાર સહિતના ચાર આરોપીઓના કોર્ટે બે દિવસના રિમાન્ડ મંજૂર કર્યા છે જેથી પોલીસે આગળની કાર્યવાહી કરેલ છે
