મોરબીના પંચાસર રોડ નજીક રોજડું ઇકો કાર સાથે અથડાયું: સાતને નાની મોટી ઇજા

મોરબીના પંચાસર રોડ ઉપરથી સકત સનાળા ગામ તરફ જવાના રસ્તા ઉપરથી પસાર થતી ઇકો કાર પસાર થતી હતી ત્યારે તેની આડે રોજડુ ઉતરતા અકસ્માત સર્જાયો હતો અને ત્યારે કારની અંદર બેઠેલા મહિલાઓ સહિત કુલ મળીને સાત વ્યક્તિઓને નાની મોટી ઈજાઓ થઈ હતી અને રોજડુ ધડાકાભેર કારની સાથે અથડાયુ હોવાથી ઇકો કારમાં આગળના ભાગનો ભુક્કો બોલી ગયો હતો અને વધુમાં જાણવા મળતી માહિતી મુજબ ઇકો કારમાં બેઠેલા વ્યક્તિઓ મોરબી નજીકના વનાળિયા ગામેથી લગ્ન પ્રસંગમાં જવા માટે નાની વાવડી થઈને શનાલ ગામ તરફ જતા રસ્તા ઉપરથી તેની કાર લઈને પસાર થતા હતા ત્યારે અચાનક રોડ સાઈડમાંથી રોજડુ કારની આડે ઊતર્યું હતું માટે કારમાં બેઠેલ લોકોને નાની-મોટી ઇજાઓ થયેલ હતી