મોરબી તાલુકા પોલીસની હદમાં વર્ષ ૨૦૦૯ માં થયેલ લુંટનો આરોપી પેરોલ ફર્લો સ્કવોડે અમદાવાદથી ઝડપ્યો
SHARE
JOIN OUR GROUP
મોરબી તાલુકા પોલીસની હદમાં વર્ષ ૨૦૦૯ માં થયેલ લુંટનો આરોપી પેરોલ ફર્લો સ્કવોડે અમદાવાદથી ઝડપ્યો
મોરબી જિલ્લા પેરોલ ફર્લો સ્ક્વોડના સ્ટાફને વર્ષ ૨૦૦૯માં મોરબી તાલુકા પોલીસ સ્ટેશનની હદમાં થયેલી લૂંટના આરોપીને ઝડપી પાડયો છે અમદાવાદ ખાતેથી આરોપીનો કબ્જો મેળવીને આગળની તપાસ અર્થે આરોપીને મોરબી તાલુકા પોલીસ મથકે સોંપવામાં આવ્યો હોવાનો સુત્રોમાંથી જાણવા મળેલ છે.
મોરબી પેરોલ ફર્લો સ્કવોડના હેડ કોન્સ્ટેબલ જયેશભાઇ વાઘેલાએ મોરબી તાલુકા પોલીસ મથકે રીપોર્ટ આપી જણાવ્યું હતુ કે, તેઓ તથા પેરોલ ફર્લો સ્કવોડના વિક્રમસિંહ બોરાણા, ચન્દ્રકાંતભાઇ વામજા, સહદેવસિંહ જાડેજા અને બ્રિજેશભાઇ કાસુન્દ્રા એલસીબી પીઆઇ વી.બી.જાડેજા તથા પીએસઆઇ એન.બી.ડાભીએ કરેલ સુચના અનવયે છેલ્લા કેટલાક સમયથી ગુના આચર્યા બાદથી નાસતા ફરતા આરોપીને પકડવા પ્રયત્નશીલ હતા તે દરમ્યાન જયેશભાઇ તથા બ્રિજેશભાઇને ખાનગી રાહે બાતમી મળી હતી કે, મોરબી તાલુકા પોલીસ મથકની હદમાં વર્ષ ૨૦૦૯ માં આઇપીસી કલમ ૩૯૫, ૪૪૮, ૫૦૬(૨), ૧૧૪ તથા ૧૩૫ મુજબના લુંટના ગુન્હામાં છેલ્લા ૧૨ વર્ષથી ફરાર આરોપી માંગીયા પાંગાભાઇ મેડા જાતે આદીવાસી (ઉ.વ.૫૦) રહે.ભાંડાખેડા થાણા રાણાપુર તા.જી.જાંબુઆ (એમ.પી.) વાળો અમદાવાદમાં છે તેથી ત્યાં પહોંચીને પેરોલ ફર્લોની ટીમે તા.૧૩-૧-૨૦૨૨ ના રોજ અમદાવાદના રાણીપ પોલીસ સ્ટેશન સામેથી મોરબી તાલુકા પોલીસ મથકની હદમાં થયેલ લુંટના ગુનામાં ૧૨ વર્ષથી ફરાર આરોપી માંગીયા પાંગાભાઇ મેડા જાતે આદીવાસીને પકડી પાડી હસ્તગત કરેલ અને અને તે અંગેની જાણ તેના પુત્ર દિવાન માંગીયાભાઇ મેડા જાતે આદીવાશી રહે.ભાંડાખેડા થાણા રાણાપુર તા.જી.જાંબુઆ (એમ.પી.) ને કરીને આગળની તપાસ-તજવીજ માટે પકડાયેલ આરોપીને મોરબી તાલુકા પોલીસ હવાલે કરવામાં આવેલ છે.
