મોરબીના રફાળેશ્વર ગામ પાસે જેટકોના સબ સ્ટેશનમાંથી 78 હજારથી વધુની કિંમતના કોપર વાયરની ચોરી

મોરબીના રફાળેશ્વર ગામ પાસે આવેલ જેટકોના સબ સ્ટેશનની દિવાલ કૂદીને કોઈ અજાણ્યા શખ્સે ત્યાં પ્રવેશ કર્યો હતો અને ત્યારબાદ ત્યાં રાખવામાં આવેલ એલ્યુમિનિયમના 1,500 કિલો જેટલા વાયરને ચીરી તેમજ કાપી નાખીને નુકસાની કરી હતી અને તેમાંથી 78,646 ની કિંમતના કોપર કેબલ વાયરની ચોરી કરવામાં આવેલ છે જેથી આ બનાવ સંદર્ભે મોરબી તાલુકા પોલીસ સ્ટેશન ખાતે નોંધાયેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે

મૂળ કોડીનારના રહેવાસી અને હાલમાં મોરબીના ઊંચી માંડલ ગામ ખાતે રહેતા એશિયન ઇલેક્ટ્રીકેશન એન્જીનીયર્સ કંપનીમાં એરીયા સુપરવાઇઝર તરીકે કામ કરતા નીરવભાઈ ભાણજીભાઈ કામળિયા (28)એ મોરબી તાલુકા પોલીસ સ્ટેશન ખાતે અજાણ્યા શખ્સની સામે મોરબી તાલુકા પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેને જણાવ્યુ છે કે મોરબી તાલુકાના રફાળેશ્વર ગામ પાસે જેટકોનું સબ સ્ટેશન આવેલું છે અને તેના કેમ્પસની અંદર કોઈ અજાણ્યા શખ્સ દ્વારા રાત્રીના સમયે દિવાલ કૂદીને પ્રવેશ કરવામાં આવ્યો હતો અને ત્યારબાદ ત્યાં કેમ્પસમાં પડેલા 1500 કિલો એલ્યુમિનિયમ વાયરના કેબલ ચીરી અને કાપી નાખીને નુકસાની કરી હતી અને તેમાંથી અંદાજે 78,646 ની કિંમતના કોપર વાયરને કાઢીને તેની ચોરી કરવામાં આવેલ છે જેથી હાલમાં મોરબી તાલુકા પોલીસ સ્ટેશન ખાતે નોંધાયેલ ફરિયાદ આધારે પોલીસે અજાણ્યા શખ્સની સામે ગુનો નોંધીને આરોપીને પકડવા માટે તજવીજ શરૂ કરેલ છે