વાંકાનેરના ભલગામ નજીક જુગાર રમતા ચાર શખ્સો 13,700 ની રોકડ સાથે ઝડપાયા

વાંકાનેરના ભલગામની સીમમાં સ્મશાન પાસે જાહેરમાં જુગારની રેડ કરી હતી ત્યારે ત્યાં સ્થળ ઉપરથી જુગાર રમતા ચાર શખ્સો મળી આવ્યા હતા જેથી પોલીસે તેની પાસેથી 13,700 ની રોકડ કબજે કરી હતી અને વાંકાનેર તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

વાંકાનેર તાલુકા પોલીસની ટીમ પેટ્રોલિંગમાં હતી ત્યારે ભલગામની સીમમાં સ્મશાન પાસે ખરાબમાં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા વસુભાઈ રઘુભાઈ ભાલીયા રહે. ભલગામ, લાખાભાઈ મનુભાઈ મેવાડા રહે. મેસરીયા, નિલેશભાઈ દેવજીભાઈ કારડીયા રહે. 25 વારીયા કવાર્ટર નારાયણ નગર રાજકોટ અને સુરેશભાઈ રાજુભાઈ પરમાર રહે. મેસરીયા વાળા જુગાર રમતા મળી આવ્યા હોય પોલીસે 13,700 ની રોકડ સાથે તેની ધરપકડ કરી હતી અને વાંકાનેર તાલુકા પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે.