મોરબીમાં રોડ સાઈડમાં સૂતેલા બાળકની છાતિ ઉપરથી કારનું ટાયર ફરી ગયુ !
SHARE
JOIN OUR GROUP
મોરબીમાં રોડ સાઈડમાં સૂતેલા બાળકની છાતિ ઉપરથી કારનું ટાયર ફરી ગયુ !
મોરબીના શનાળા રોડ ઉપર સરદાર બાગની સામે ભરાતી શાક માર્કેટ પાસે સૂતેલા પરિવારના આઠ વર્ષના વિપુલ રમેશભાઈ જખાણીયા દેવીપુજક રહે.રામપર (નસીતપર) તા. મોરબી ના છાતીના ભાગેથી કારનું ટાયર ફરી ગયું હતું. જેથી ઇજાગ્રસ્ત હાલતમાં વિપુલ જખાણીયાને અહીંની સિવિલ હોસ્પિટલમાં સારવાર માટે લાવવામાં આવ્યો હતો. તેમ પોલીસ સુત્રોએ જણાવેલ છે
અકસ્માતમાં ઇજા
મોરબીના કેનાલ રોડ ઉપર આવેલ પાનેલીની વાડી ખાતે રહેતા નારણભાઈ દેવશીભાઈ ડાભી (74) નામના વૃદ્ધ પોતાનું બાઈક લઈને શાક માર્કેટથી પોતાના ઘર તરફ પાછા જઈ રહ્યા હતા ત્યારે દલવાડી સર્કલ નજીક મસાલાની વાડી પાસે કેનાલ રોડ ઉપર અન્ય બાઇક સાથે તેઓનું બાઈક અથડાતા અકસ્માત થયો હતો અને આ બનાવમાં ઇજા પામેલા વૃદ્ધને સારવાર માટે મોરબીની નક્ષત્ર હોસ્પિટલ ખાતે લઈને આવ્યા હતા અને ત્યાં તેઓને સારવાર આપીને આ બનાવની પોલીસને જાણ કરવામાં આવી હતી
મારા મારીમાં ઇજા
માળીયા મીયાણા તાલુકાના વેણાસર ગામે રહેતા નજમાબેન મહેબુબભાઇ મોવર (30) નામની મહિલાને મારામારીના બનાવમાં ઇજા થઈ હતી જેથી તેને ઇજાગ્રસ્ત હાલતમાં સારવાર માટે સિવિલ હોસ્પિટલ ખાતે લઈને આવ્યા હતા અને આ બનાવની પોલીસને જાણ કરવામાં આવી છે
