મોરબીમાંથી સગીરાના અપહરણના ગુનામાં ફરાર આરોપી પકડાયો

મોરબીમાંથી સગીરાનું અપહરણ કરવામાં આવ્યું હતું જેની એ ડીવીઝન પોલીસ સ્ટેશનમાં ફરિયાદ નોંધાયેલ હતો અને આ ગુનામાં આરોપી છેલ્લા ૨૦ મહિનાથી ફરાર હતો જેને એન્ટી હ્યુમન ટ્રાફિકીંગ યુનિટ ટીમે અમદાવાદ ખાતેથી ભોગ બનેલ સગીરાની સાથે શોધી કાઢેલ છે અને હાલમાં આરોપી તેમજ ભોગ બનેલ સગીરાને એ ડિવિઝન પોલીસ હવાલે કરવામાં આવેલ છે.

મોરબી જીલ્લા એન્ટી હ્યુમન ટ્રાફિકીંગ યુનિટની ટીમ પેટ્રોલિંગમાં હતી ત્યારે મોરબી એ ડીવીઝન પોલીસ સ્ટેશનમાં નોંધાયેલ અપહરણના ગુનામાં આરોપી મગન ઉર્ફે ગૌતમ વાઘજી ડાંગર (૩૦) રહે જસદણ વાળો અમદાવાદ નારોલ પોલીસ સ્ટેશન વિસ્તારમાં હોવાની ચોક્કસ હક્કિત મળી હતી જેના આધારે એન્ટી હ્યુમન ટ્રાફિકીંગ યુનિટની ટીમ અમદાવાદ પહોચી હતી અને આરોપી મગન ડાંગરને ત્યાંથી ઝડપી લીધેલ છે અને ભોગ બનેલ સગીરાને પણ હસ્તગત કરવામાં આવી હતી અને આગળની કાર્યવાહી માટે આરોપી અને સગીરને મોરબી એ ડીવીઝન પોલીસ સ્ટેશન હવાલે કરવામાં આવેલ છે.