મૌલા સાહેબ ડો. સૈયદના આલીકાદર મુફદ્દલ સૈફુદ્દીન (TUS) કાલે સાંજે મોરબીમાં: દાઉદી વ્હોરા સમાજમાં અનેરો ઉત્સાહ

મોરબી શહેરમાં દાઉદી વ્હોરા સમાજ માટે બુધવાર, ગુરુવાર અને શુક્રવાર વિશેષ દિવસ છે કેમ કે, દાઉદી વ્હોરા સમાજના ધર્મગુરુ મૌલા ડો. સૈયદના આલીકાદર મુફદ્દલ સૈફુદ્દીન (TUS) મોરબી આવી રહ્યા છે અને બુધવારે સાંજે 5:00 વાગ્યે મૌલા સાહેબ મોરબીમાં આવશે તેને લઈને હાલમાં સમગ્ર દાઉદી વ્હોરા સમાજમાં ખુશીની લાગણી છે અને ધર્મગુરુને આવકારવા માટે સમાજના લોકોમાં પણ અનેરો થનગનાટ જોવા મળી રહ્યો છે.

મૌલા સાહેબ મોરબી આવે છે ત્યારે સમાજના આગેવાનો, યુવાનો, મહિલાઓ તેમજ વડીલો દ્વારા મૌલા સાહેબના સ્વાગતને યાદગાર બનાવવા માટે વિવિધ તૈયારીઓને કરવામાં આવેલ છે. અને મૌલા સાહેબના આગમનની ખુશી મોરબીની નાની બજાર અને ફકરી પાર્ક વિસ્તારમાં આવેલા દાઉદી વ્હોરા સમાજના વિસ્તારોમાં શેરી-ગલીઓ, મકાનો અને દુકાનોને આકર્ષક રીતે સજાવવામાં આવી છે. મૌલા સાહેબના દર્શન અને તેમના પવિત્ર સાનિધ્યનો લાભ મેળવવા માટે સમાજના લોકોમાં ભારે આતુરતા અને ઉત્સાહ જોવા મળી રહ્યો છે