મોરબીમાં સર્પનો સંકેત આપતું મોરપીચ્છ જોવા મળ્યું

મોરબીના પર્યાવરણપ્રેમી અને મયુર નેચર ક્લબના સભ્ય જીતુભાઇ ઠક્કરને તાજેતરમાં એમની અલગારી રખડપટ્ટી દરમ્યાન આ અલભ્ય સર્પનાં સંકેત વાળું મોર પીચ્છ પ્રાપ્ત થયું હતું. આપ જોઈ શકો છો તેમ મોરપીચ્છાનાં કેન્દ્રમાં બરોબર વચ્ચે સાપનાં ફેણની પ્રતિકૃતિ અને ઉપરના ભાગે સાપની જીભ જેવો આકાર જોવા મળે છે. પ્રકૃતિનાં પોતાના પણ અનેક રંગો છે અને આપણે ત્યાં જેમ બાળકો વિવિધ વેશભુષા દ્વારા અલગ અલગ પ્રાણીઓનો વેષ રચે છે તેમ પ્રકૃતિ પણ ક્યારેક પોતાની અસલ ઓળખને બદલે અન્યની શકલની નકલ રચતી જોવા મળે છે.