વાંકાનેર શહેરના એનડીપીએસના ગુનામાં આરોપી ઝડપાયો

વાંકાનેર શહેર પોલીસ સ્ટેશનમાં આગઉ એનડીપીએસનો ગુનો નોંધાયેલ હતો જે ગુનામાં છેલ્લા 8 મહિનાથી નાસતા ફરતા આરોપીને પકડવા માટેની તજવીજ ચાલી રહી હતી તેવામાં એસઓજીની ટીમે વાંકાનેર બાઉન્ડ્રી પુલ પાસેથી આરોપીની ઝડપી લીધેલ છે અને આરોપીને વાંકાનેર સિટી પોલીસ હવાલે કરવામાં આવેલ છે.

મોરબી જીલ્લામાં જુદાજુદા ગુનામાં સંડોવાયેલા નાસતા ફરતા આરોપીને પકડવા માટે તજવીજ ચાલી રહી છે તેવામાં એસઓજીની ટિમ દ્વારા વાંકાનેર શહેર પોલીસ સ્ટેશનમાં નોંધાયેલ એનડીપીએસના ગુનામાં નાસતા ફરતા આરોપી સુદીપભાઈ ઉર્ફે સન્ની ઉર્ફે દરબાર નરોતમભાઈ પીપળીયા રહે. જોગ આશ્રમ પાછળ થાન વાળો વાંકાનેર બાઉન્ડ્રી પુલ પાસે હોવાની ચોક્કસ બાતમી મળી હતી જેના આધારે વાંકાનેર બાઉન્ડ્રી પાસેથી આરોપીને ઝડપી લીધો હતો અને આગળની કાર્યવાહી માટે આરોપીને વાંકાનેર સીટી પોલીસ હવાલે કરવામાં આવેલ છે.